كوشى-قون قىزمەتى باسقارماسى باسشىسىنىڭ مىندەتىن اتقارۋشى اراي ايىمبەتتىڭ ايتۋىنشا, قازاقستان رەسپۋبليكاسىنىڭ كوشى-قون زاڭناماسىن بۇزعانى ءۇشىن 2756 شەتەل ازاماتتارى اكىمشىلىك جاۋاپكەرشىلىككە تارتىلىپ (قر اقبتك-ءنىڭ 517, 510 جانە 449 باپتارى بويىنشا), ونىڭ 648-ءى قازاقستان رەسپۋبليكاسىنىڭ اۋماعىنان اكىمشىلىك جولمەن شىعارىلعان. ەلدەن شىعارىلعانداردىڭ دەنى وزبەكستان, تاجىكستان جانە تۇركمەنىستان رەسپۋبليكاسىنىڭ ازاماتتارى ەكەن.
باسقارما باسشىسىنىڭ ايتۋىنشا, شەتەل ازاماتتارىنىڭ ەل زاڭىن ساقتاۋىنا قابىلداۋشى تاراپ تا جاۋاپ بەرەدى. وسى ورايدا ولاردىڭ ەل اۋماعىنان ۋاقتىلى كەتپەگەنى ءۇشىن 407 قازاقستان ازاماتى اكىمشىلىك جاۋاپكەرشىلىككە تارتىلىپتى.
«قازاقستان رەسپۋبليكاسىنىڭ ازاماتتارى شەتەل جۇمىس كۇشىن زاڭسىز تارتقانى ءۇشىن, ياعني قر اقبتك-ءنىڭ 519 بابى بويىنشا 102 قازاقستاندىق اكىمشىلىك جاۋاپكەرشىلىككە تارتىلىپ, ايىپپۇل ارقالادى. 2025 جىلدىڭ 7 اي ىشىندە كوشى-قون زاڭناماسىن بۇزعانى ءۇشىن جالپى 65 594 650 تەڭگە سوماسىندا ايىپپۇل سالىندى.
كوشى-قون زاڭناماسىن بۇزعان ءۇشىن قر قك-ءنىڭ 392 بابى بويىنشا (مەملەكەتتىك شەكارانى بۇزعانى ءۇشىن) 3 قىلمىستىق ءىس جانە قر اۋماعىندا زاڭسىز كوشى-قوندى ۇيىمداستىرعانى ءۇشىن, قر قك-ءنىڭ 394 بابى بويىنشا 8 قىلمىستىق ءىس قوزعالدى», دەيدى ا. ايىمبەت.
جامبىل وبلىسى
