اناسىنىڭ ايتۋىنشا, بالا 4 تامىزدا ىشەك ينفەكتسياسىمەن اۋرۋحاناعا تۇسكەن. ءبىر اپتا بويى ءتۇرلى اناليزدەر الىپ, ءدارى تامىزعانىمەن, جاعدايى جاقسارماعان. ال 11 تامىز كۇنى ساعات 16:00 شاماسىندا ەكى مەدبيكە قان الۋ كەزىندە بالانىڭ قولىن قاتتى قىسىپ, ناتيجەسىندە سۇيەگى شىتىناعان.
«دەنى ساۋ بالانى اۋرۋ قىلدى. العاشقىدا وتە كوڭىلدى, ويناقى بولىپ كەلگەن ۇلىم قازىر كۇلە المايدى, ويىننان قالعان», – دەيدى بالانىڭ اناسى.
بۇل جاعدايدان كەيىن الەۋمەتتىك جەلىدە ۇلكەن رەزونانس تۋدى. پىكىر قالدىرعانداردىڭ كوبى مەركىلىك دارىگەرلەردى كاسىبي بىلىكتىلىگى تومەن, ناۋقاستارعا جاۋاپسىز قارايدى دەپ سىنعا الدى.
