كەزدەسۋدە قوس تاراپ يسلام دامۋ بانكى قارجىلاندىرماق جوبا ماقساتىن تالقىلادى. اتالمىش جوبانىڭ العاشقى كەزەڭى 4 جاڭا سۋ قويماسىن سالۋعا, 4 قولدانىستاعى سۋ قويماسىن جانە 115 كانالدى رەكونسترۋكتسيالاۋعا باعىتتالعان.
ايتا كەتەلىك, شىلدە ايىندا سۋ رەسۋرستارى جانە يرريگاتسيا مينيسترلىگى مەن يسلام دامۋ بانكى ەلىمىزدەگى سۋ جوباسىنا بۇۇدب-نى حالىقارالىق كەڭەسشى رەتىندە قاراۋ شەشىمى قابىلداندى.
— بۇۇدب-نىڭ اتسالىسۋى جوبانى جاڭا دەڭگەيگە كوتەرەدى. يسلام دامۋ بانكىنىڭ قارجىلاندىرۋىمەن جۇزەگە اسىرىلاتىن جوبالار سۋ رەسۋرستارىن باسقارۋ جۇيەسىن جەتىلدىرۋگە باعىتتالعان. بۇل ءۇشىن زاڭناما جاڭارتىلىپ, ءتيىستى ينستيتۋت قۇرىلىپ, قارجى ءبولىندى. ەندى باستالعان ءىستى ناتيجەلى اياقتاۋ ماڭىزدى. ىنتىماقتاستىق تۇجىرىمداماسىندا كوزدەلگەن مىندەتتەردى ورىنداي الامىز, — دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
