«ترانسكاسپي حالىقارالىق كولىك باعدارىنىڭ نەمەسە ورتا ءدالىزدىڭ وركەندەۋى – ءبىزدىڭ ورتاق كۇش-جىگەرىمىزدىڭ ناتيجەسى. بۇل – قىتاي, ورتالىق ازيا جانە ەۋروپا اراسىندا ۇزدىكسىز جۇك تاسىمالداۋعا مۇمكىندىك بەرەتىن اناعۇرلىم قىسقا ءارى ورنىقتى كولىك باعىتى», – دەدى مەملەكەت باسشىسى.
پرەزيدەنتتىڭ ايتۋىنشا, قازاقستان بۇل باعىتتاعى نەگىزگى ترانزيت تورابى رەتىندە ءوزىنىڭ ءرولىن كۇشەيتىپ كەلەدى.
«2024 جىلى “دوستىق – مويىنتى” ۋچاسكەسىندە قوسىمشا تەمىرجول جەلىسىنىڭ ىسكە قوسىلۋى قازاقستان ارقىلى قىتاي – ەۋروپا دالىزىمەن بەس ەسە كوپ جۇك جونەلتۋگە مۇمكىندىك بەرەدى», – دەپ جازدى توقاەۆ.
ماقالادا سيان قالاسىندا قازاقستان-قىتاي ساۋدا-لوگيستيكا ورتالىعى اشىلعانى جانە اقتاۋ پورتىندا كونتەينەرلىك حابتىڭ قۇرىلىسى اياقتالعانى ايتىلدى. «بۇل جوبالار كولىك قاتىناستارىن نىعايتىپ, ەۋرازياداعى ترانزيتتىك الەۋەتىمىزدى كۇشەيتتى», – دەدى پرەزيدەنت.
ول سونداي-اق ترانسكاسپي ءدالىزى تەك قوس ەل ءۇشىن عانا ەمەس, بۇكىل وڭىرلىك ساۋدانىڭ وركەندەۋىنە ىقپال ەتەتىنىن اتاپ ءوتتى.
