ەسكە سالايىق, 11 تامىزدا Bank CenterCredit مەملەكەتتەن العان 30 ملرد تەڭگە كومەكتى قايتاردى. جالپى, بانك 60 ملرد تەڭگە قارىز العان. 2024 جىلى 20 ملرد تەڭگەگە وبليگاتسيانى قايتارىپ السا, 2025 جىلى تاعى 10 جانە 30 ملرد تەڭگەنىڭ قارىزىن جاپتى. وسىلايشا, بتسك مەملەكەتتەن باعدارلاما اياسىندا العان بارلىق قارجىنى تولىق وتەدى.
«بۇل وتە جاقسى باستاما. جاقىن ارادا باسقا بانكتەر دە مەملەكەتتەن العان كومەكتى قايتارا باستايدى. ناقتى قانداي بانكتەر ەكەنىن ايتپاي-اق قويايىن. ونداعان ملرد تەڭگە دەگەن سوما بولادى. مەملەكەت كومەگىن العان بانكتەرمەن كەلىسسوزدەر جۇيەلى ءوتتى دەي الامىن. تۇسىنىستىك تانىتىپ, مەملەكەتتىك پوزيتسيانى ۇستانعاندارىڭىز ءۇشىن العىس ايتامىز», دەپ اتاپ ءوتتى سۇلەيمەنوۆ.
ودان بولەك RBK Bank تە مەملەكەتتەن العان 37,3 ملرد تەڭگە كولەمىندەگى كومەكتى قايتاراتىنىن مالىمدەگەن.
