1995 جىلدىڭ 30 تامىزىندا قازاقستاننىڭ تاۋەلسىزدىك تولقۇجاتى سانالاتىن كونستيتۋتسيا قابىلداندى. ء«بىز, ورتاق تاريحي تاعدىر بىرىكتىرگەن قازاقستان حالقى...» دەگەن سوزدەرمەن باستالعان بۇل قۇجات ەلدىڭ بىرلىگىن ايقىنداپ, تاۋەلسىزدىگىمىزدى نىعايتۋعا زور ىقپال ەتتى.
مەملەكەت باسشىسى قاسىم-جومارت توقاەۆتىڭ ايتۋىنشا, اتا زاڭ ەلىمىزدىڭ ودان ءارى دامۋىنا داڭعىل جول اشىپ, قازاقستاندى الەمدىك قاۋىمداستىقتىڭ بەلدى مۇشەسىنە اينالدىردى.
«وتىز جىلدا ءتۇرلى سەبەپكە بايلانىستى اتا زاڭعا 6 رەت تۇزەتۋ ەنگىزىلدى. بىراق ەڭ باستى كونستيتۋتسيالىق وزگەرىس وسىدان ءۇش جىل بۇرىن جاسالدى دەپ ايتساق, ورىندى بولار. كونستيتۋتسيالىق رەفورمانىڭ ارقاسىندا ەلىمىزدىڭ ساياسي-قۇقىقتىق جۇيەسى تۇبەگەيلى جاڭا سيپاتقا يە بولدى», دەدى پرەزيدەنت.
ق.توقاەۆتىڭ سوزىنشە, سول كەزدە كونستيتۋتسياعا تۇزەتۋلەردى پارلامەنت ارقىلى قابىلداۋ تۋرالى ۇسىنىس بولعان. الايدا ول كۇردەلى بولسا دا, باسقا جولدى تاڭداعانىن اتاپ ءوتتى.
«ەل بولاشاعىنا تىكەلەي اسەر ەتەتىن اسا ماڭىزدى شەشىمدەردى تەك قانا رەفەرەندۋم ارقىلى قابىلداۋ قاجەت دەگەن ۇستانىمدى مىندەتتى تۇردە ساقتاۋ كەرەك دەپ ۇيعاردىم», دەدى مەملەكەت باسشىسى.
