«دەموكراتيا – بارىنەن بۇرىن جاۋاپكەرشىلىك»

بۇل سوزدەر قىرعىز­ستان­نىڭ بەلگىلى قالام­­گەر­لەرىنىڭ ءبىرى, شىعار­مالارىن تاجىك, قىرعىز تىلدەرىندە قاتار جازا­تىن ميرزوحاليم كاري­موۆتىڭ «ەگەمەن قازاق­ستانعا» جولداعان حاتىنان الىنىپ وتىر. ەل­باسى ابىرويى – ەل ابىرويى ەكەنىن ەسكەرىپ, حاتتى گازەت وقىرماندارىنىڭ نازارىنا ۇسىنۋدى ورىندى كوردىك. باۋىرلاسىمىزدىڭ «دەموكراتيا جالاڭ ىزى-چۋ نە ميتينگ ەمەس, باارىنان مۋردا جووپكەرچيليك ەكەنين ەلدەرگە ءتۇشۇندۇرو الدىڭىز» دەگەن سوزدەرىنىڭ استارى دا ويلى ادامعا تۇسىنىكتى دەپ بىلەمىز.  پرەزيدەنتكە ارنالعان حاتتا بىلاي دەلىنگەن: قۇرمەتتى نۇر­سۇل­تان ءابىش ۇلى! ءسىز­دىڭ جەتەكشىلىك دانىش­پان­دىعىڭىز, الەمدىك ارەناداعى جۇلدىزداي جانعان بيىك ابىرويىڭىز, ساياسي اقىلماندىعىڭىز تۋىسقان قازاق حالقىنىڭ عانا ەمەس,  قالا بەردى ور­تا­لىق ازيانىڭ بارلىق حالىق­تارىنىڭ دا ماقتانىشى. نۇرسۇلتان دەسە – قازاق, قازاق دەسە – نۇرسۇلتان دەپ بىلەتىن اقيقات شىندىق قازاقستاننىڭ تاريح پاراقتارىنا ماڭگىلىك وشپەس التىن ارىپتەرمەن الدەقاشان جازىلىپ تا قالدى. پرەزيدەنتتىك قىزمەت تىزگىنىن قولىڭىزعا العاننان بەرى ەلىڭىزدى الەمدەگى دامىعان ەلۋ مەملەكەتتىڭ  قاتارىنا قوستىڭىز, كوپۇلتتى ەلىڭىزدىڭ دوستىق-ىنتىماعىن شىڭ­دادىڭىز, دەموكراتيا تەك قانا ايقاي-شۋ نە ميتينگ ەمەس, ءبارى­نەن بۇرىن جاۋاپكەرشىلىك ەكەن­د­ى­گىن ەلگە تۇسىندىرە الدىڭىز.  مەم­لەكەتتى تۋرا باسقارۋ ارقىلى ەل-جۇر­تىڭىزدىڭ تۇرمىس-تىرشىلىگىن جاقسارتقانىڭىزبەن, جەتەكشىلىك قىراعىلىعىڭىزبەن, قارا قىلدى قاق جارعان ادىلدىگىڭىزبەن ورتالىق ازيا­نىڭ جانە باسقا ولكەلەردىڭ پرەزي­دەنتتەرىنە ەڭ ۇزدىك ۇلگى بولىپ كەلە جاتىرسىز. كەرەك بولسا, مەن ءسىزدى بۇكىل ور­تالىق ازيا حالىقتارىنىڭ باقىتىنا جارالعان تاريحي تۇلعا دەپ سانايمىن. الەمدە ءارتۇرلى قاۋىپتى وقيعالار بولا باستاعان قيىن زاماندا ورتالىق ازياداعى قۋاتتى ەلدىڭ جەتەكشىلىك تىزگىنى ءسىزدىڭ قولىڭىزدا تۇرعانى قازاقستان ءۇشىن عانا ەمەس, باسقا كورشى مەملەكەتتەر ءۇشىن دە ۇلكەن كۇش-قۋات. سىزگە دەنساۋلىق, يگىلىك قا­لايمىن! ميرزوحاليم كاريموۆ, قىرعىز-تاجىك جازۋشىسى. بىشكەك شاھارى.