ۇلتتىق ستاتيستيكا بيۋروسىنىڭ دەرەگىنە سۇيەنسەك, قازىر ەلىمىزدە 74 تەاتر جۇمىس ىستەيدى. ولاردىڭ باسىم بولىگى – 79,7%-ى مەملەكەت مەنشىگىندە. تەاتر الاڭدارىنىڭ سانى بويىنشا الماتى كوش باستاپ تۇر: قالادا 22 تەاتر بار. استانادا – 10, شىمكەنتتە – 6 تەاتر كورەرمەندەرگە قىزمەت كورسەتەدى.
ەلىمىزدەگى تەاترلاردىڭ نەگىزگى بولىگى – دراما ساحنالارى. قازىر ەلىمىزدە 40 دراما تەاترى جۇمىس ىستەيدى. بۇدان بولەك, 11 قۋىرشاق تەاترى, 4 مۋزىكالىق, 4 وپەرا جانە بالەت تەاترى, سونداي-اق وزگە جانرداعى ساحنا الاڭدارى كورەرمەنگە ونەر ۇسىنىپ كەلەدى. بۇل تەاتر ونەرىنىڭ جان-جاقتى دامىپ جاتقانىن كورسەتەدى.
2024 جىلى ەلىمىزدە تەاتر قويىلىمدارىن تاماشالاعان كورەرمەندەر سانى 3 ميلليون ادامعا جەتكەن. بۇل – 2023 جىلمەن سالىستىرعاندا 3%-عا كوپ. ءبىر جىل ىشىندە ساحنادا 2 553 قويىلىم قويىلىپ, ولاردىڭ سانى ءبىر جىل بۇرىنعىدان 14%-عا ارتقان.
الداعى ماۋسىمدا تەاتر ساحنالارىندا جاڭا پرەمەرالار كوپ بولادى دەپ جوسپارلانىپ وتىر. دراما تەاترلارى كلاسسيكالىق قويىلىمدارمەن قاتار زاماناۋي پەسالاردى ساحنالاۋعا دەن قويسا, وپەرا جانە بالەت تەاترلارى حالىقارالىق دەڭگەيدەگى سپەكتاكلدەر ازىرلەۋدە. قۋىرشاق تەاترلارى بولسا, بالالار مەن جاسوسپىرىمدەرگە ارنالعان جاڭا قويىلىمدارىن ۇسىنباق.
