تاريف باعاسى ءوستى

اتىراۋدا 1 تامىزدان باس­تاپ سۋ جانە كارىز ءتاريفىنىڭ باعاسى قىمباتتادى. ءوڭىر ورتالىعىن سۋمەن قامتاماسىز ەتەتىن «اتىراۋسۋارناسى» كوممۋنالدىق مەملەكەتتىك كاسىپورنىنىڭ ءتاريفتى ءوسىرۋ جونىندەگى ۇسىنىسى تابيعي مونو­پوليالاردى رەتتەۋ جانە باسەكەلەستىكتى قورعاۋ دەپار­تامەنتى تاراپىنان قولداۋ تاپتى. اتالعان دەپارتامەنت باس­شىسىنىڭ ورىنباسارى السەيىت سابىروۆتىڭ ءمالىم ەتۋىنشە, بۇدان بىلاي جەكە تۇلعالار سۋدىڭ ءبىر تەكشە مەترى ءۇشىن 101 تەڭگە 33 تيىن تولەيدى. بۇرىن بۇل باعا 68 تەڭگە 28 تيىن ەدى. ال زاڭدى تۇلعالارعا ءبىر تەكشە مەتر سۋدى پايدالانعانى ءۇشىن تاريف قۇنى ەندى 316 تەڭگە 72 تيىندى قۇرايتىن بولدى. بۇل باعا وسى كەزگە دەيىن 189 تەڭگە 7 تيىن دەڭگەيىندە ساقتالىپ كەلگەن بولاتىن. «اتىراۋسۋ ارناسى» باس­شىلارى ءتاريفتى وسىرۋگە ءبىر­نەشە سەبەپتى العا تارتىپ وتىر. بىرىنشىدەن, كاسىپورىن شى­عىنى كوبەيگەن بولسا, ەكىن­شىدەن, قاجەتتى ماتەريال­دار مەن حيميالىق رەاگەنت­تەر باعالارىنىڭ ءوسۋى اسەر ەتكەن. ۇشىنشىدەن, سۋ تاريفتەرىن قا­لىپتاستىرۋدىڭ جاڭا تەتىك­تەرىن ەنگىزۋگە بايلانىس­تى كەشەندى جوسپارلى ىسكە قاجەت­تىگى تۋىنداپتى. تورتىنشىدەن, كاسىپورىننىڭ ينۆەستيتسيالىق باعدارلاماسىن ىسكە اسىرۋ كوزدەلىپتى. سونىمەن بىرگە, اتىراۋدا كارىز جۇيەسى ءتاريفى دە ءوستى. ەندى اتىراۋلىق جەكە تۇلعالار ءبىر تەكشە مەترگە 35 تەڭگەدەن, ال وزگە تۇتىنۋشىلار 151 تەڭگە 98 تيىن تولەۋگە ءماجبۇر بولادى. بۇل قىزمەتكە تولەنەتىن باعا بۇرىن سايكەسىنشە, 31 تەڭگە 39 تيىن جانە 122 تەڭگە 12 تيىن بولعان ەدى. جولداسبەك شوپەعۇل, «ەگەمەن قازاقستان». اتىراۋ.