شىلدە ايىنىڭ سوڭىندا ماڭعىستاۋ وبلىسىنىڭ اكىمى نۇرداۋلەت قيلىباي قىتاي حالىق رەسپۋبليكاسىنا جۇمىس ساپارىمەن بارىپ, وڭىرگە ينۆەستيتسيا تارتۋ جانە ءىرى جوبالاردى ىلگەرىلەتۋ ماقساتىندا قىتايدىڭ جەتەكشى كومپانيالارى مەن مەملەكەتتىك قۇرىلىمدارىنىڭ باسشىلارىمەن بىرقاتار رەسمي كەزدەسۋ وتكىزدى. وسى ساپاردا قول جەتكىزىلگەن ىنتىماقتاستىقتى ارتتىرىپ, كەلىسىمدەردى بەكىتۋ ءۇشىن «اقتاۋ تەڭىز پورتى» ارنايى ەكونوميكالىق ايماعىنىڭ دەلەگاتسياسى تسزينين قالاسىندا وتكەن «شەكاراارالىق ساۋدانى دامىتۋعا ارنالعان جاھاندىق شەشىمدەر» كونفەرەنتسياسىندا ماڭعىستاۋ وبلىسىنىڭ ينۆەستيتسيالىق مۇمكىندىكتەرىن تانىستىرىپ, «اقتاۋ تەڭىز پورتى» اەا-نىڭ ارتىقشىلىقتارى مەن كەلەشەگىنە توقتالدى.
«مۇنداي كاسىپورىندار ماڭعىستاۋدا اشىلسا, ەلىمىزدەگى مۇناي كومپانيالارى ءونىمدى شەتەلدەن ەمەس, وزىمىزدەن الار ەدى», دەيدى اەا باسقارما توراعاسىنىڭ ورىنباسارى اسىلبەك دوسانوۆ.
2024–2025 جىلدارى ماڭعىستاۋ ءوڭىرىنىڭ تۋريستىك, كولىك-لوگيستيكالىق الەۋەتى مەن وڭدەۋ ونەركاسىبىن دامىتۋ ماقساتىندا 1730 گەكتار اقتاۋ حالىقارالىق اۋەجايىنىڭ اۋماعى, 178 گەكتار اقتاۋ قالاسىنىڭ جاعالاۋ ايماعى, 280,2 گەكتار جاڭاوزەن قالاسىنىڭ ونەركاسىپتىك ايماعى جانە 284,6 گەكتار سارجا تەڭىز تەرمينالى «اقتاۋ تەڭىز پورتى» اەا اۋماعىنا قوسىلدى.
تىكەلەي ينۆەستيتسيا تارتۋ ماقساتىندا «اقتاۋ تەڭىز پورتى» اەا قۇرامىنا 3 جاڭا سۋبايماقتى قوسۋ جۇمىسى جۇرگىزىلىپ جاتىر.
«وسى سۋبايماقتاردىڭ ىشىندە مۇنايلى اۋدانى سۋبايماعى بويىنشا اۋدان اكىمدىگى جەر ۋچاسكەلەرىن مەملەكەت مەنشىگىنە الۋ جۇمىسىن جۇرگىزىپ جاتىر. بۇل ايماقتا ءوسىپ كەلە جاتقان نارىقتىڭ قاجەتتىلىگىن قامتاماسىز ەتۋ جانە تاۋار اينالىمىنىڭ تيىمدىلىگىن ارتتىرۋ ماقساتىندا قويما جانە لوگيستيكالىق ينفراقۇرىلىمدى دامىتۋ جوسپارلانعان, دەيدى «اقتاۋ تەڭىز پورتى» اەا» اق باسقارما توراعاسى مۇباراك تولەگەنوۆ.
ايتۋىنشا, جوسپارلانعان ءىس-شارالار جۇزەگە اسقان جاعدايدا «اقتاۋ تەڭىز پورتى» اەا اۋماعى 4 407,5 گەكتاردان 26 885,4 گەكتارعا دەيىن ۇلعايادى.
ماڭعىستاۋ وبلىسى
