فوتو: اشىق دەرەككوز
«قازاۆتوجول» كومپانياسىنىڭ حابارلاۋىنشا, ناۋرىز–تامىز ايلارىنداعى تالداۋ قورىتىندىسىنا سايكەس, وسى كەزەڭدە جىلدامدىقتى اسىرۋدىڭ 109 مىڭنان استام فاكتىسى انىقتالعان.
ەڭ كوپ قۇقىقبۇزۋشىلىق تىركەلگەن ۋچاسكەلەر:
- شىمكەنت–قىزىلوردا – 54 863 جاعداي;
- استانا–ششۋچينسك – 29 330 جاعداي;
- استانا–پاۆلودار – 18 188 جاعداي.
ال ەڭ از بۇزۋشىلىق كەلەسى باعىتتاردا بايقالعان:
- پاۆلودار–سەمەي–قالباتاۋ – 3 882 جاعداي;
- شىمكەنت–تاراز – 1 980 جاعداي;
- پاۆلودار–رف شەكاراسى (ومبى) – 526 جاعداي;
- ورال–رف شەكاراسى (ساراتوۆ) – 365 جاعداي;
- جىبەك جولى–تەمىرتاۋ – 164 جاعداي.
ايتا كەتەيىك, قازىرگى ۋاقىتتا استانا–ششۋچينسك (شەكتەۋ – 140 كم/ساع), استانا–پاۆلودار (140 كم/ساع), شىمكەنت–قىزىلوردا (110 كم/ساع), شىمكەنت–تاراز (110 كم/ساع), پاۆلودار–سەمەي–قالباتاۋ (100–110 كم/ساع), ورال–رف شەكاراسى (ساراتوۆ) (100 كم/ساع), پاۆلودار–رف شەكاراسى (ومبى) (100 كم/ساع) جانە جىبەك جولى–تەمىرتاۋ (140 كم/ساع) جولدارىندا ورتاشا جىلدامدىقتى باقىلاۋ جۇرگىزىلىپ وتىر.
جول قوزعالىسى قاۋىپسىزدىگىن قامتاماسىز ەتۋ ماقساتىندا ەنگىزىلگەن بۇل جۇيە جۇرگىزۋشىلەردى بەلگىلەنگەن جىلدامدىقتى ساقتاۋعا ىنتالاندىرىپ, اپات سانىن ازايتۋعا باعىتتالعان.
