فوتو: اشىق دەرەككوز
كۋرستىڭ مازمۇنى اياسىندا پەداگوگتەر:
- جاساندى ينتەللەكت قۇرالدارىن ءتيىمدى ءارى ەتيكالىق تۇرعىدا قولدانۋدى;
- ساپالى پرومپت جازۋ تاسىلدەرىن;
- ساباق جوسپارىن قۇرۋ ادىستەرىن;
- تەستىلەر مەن وقۋ ماتەريالدارىن ازىرلەۋدى;
- يلليۋستراتسيالار جاساۋدى;
- وقۋ مازمۇنىن جەتىلدىرۋ مەن وقۋشىلاردىڭ قىزىعۋشىلىعىن ارتتىرۋ جولدارىن ۇيرەنەدى.
وقۋ-اعارتۋ مينيسترلىگىنىڭ حابارلاۋىنشا, باعدارلامانىڭ باستى ماقساتى – جاساندى ينتەللەكتىنى مۇعالىمنىڭ ورنىن باساتىن قۇرال رەتىندە ەمەس, كاسىبي مىندەتتەرىن جەڭىلدەتىپ, شىعارماشىلىققا كوبىرەك ۋاقىت بولۋگە مۇمكىندىك بەرەتىن كومەكشى رەتىندە پايدالانۋ.
ايتا كەتەيىك, «ورلەۋ» ورتالىعى ۇيىمداستىرعان بۇل تەگىن كۋرستارعا پەداگوگتەر reg.orleu.edu.kz سايتىندا تىركەلىپ, LMS پلاتفورماسى ارقىلى قاتىسا الادى. ءبىر اپتانىڭ ىشىندە 100 مىڭعا جۋىق مۇعالىم ءبىلىم الىپ, ولاردىڭ جارتىسىنا جۋىعى سەرتيفيكات يەلەنگەن.
