الماتىدا داڭقتى اسكەري ۇشقىش, كەڭەس وداعىنىڭ ەكى مارتە باتىرى, اۆياتسيا گەنەرال-مايورى تالعات بيگەلدينوۆتى تۋعان كۇنىنە وراي ەسكە الدى.
قازاق حالقىنىڭ داڭقتى ۇلى تالعات جاقىپبەك ۇلى بيگەلدينوۆتىڭ تۋعان كۇنى ءوزى ومىردە قانداي قاراپايىم بولسا, ەسكە الۋ ءراسىمى دە سونداي قاراپايىم تۇردە ءوتتى. وفيتسەرلەر ءۇيىنىڭ فويەسىنىڭ ءبىر بۇرىشىنا قويىلعان ۇشقىش اعا ءومىرىن ورنەكتەيتىن شاعىن عانا فوتوكورمە سونىڭ ايعاعى. نەبارى 22 جاسىندا – ءبىرىنشى, 23 جاسىندا ەكىنشى رەت كەڭەس وداعىنىڭ باتىرى اتاعىن يەلەنگەن حالقىمىزدى داڭقتى پەرزەنتىنىڭ كوزى ءتىرى بولسا, ءدال كەشە 93 جاسقا تولار ەدى...
ءبىر عانا شوعىر جينالعان ۇلى وتان سوعىسىنىڭ ارداگەرلەرى اراسىنان تالعات اعانىڭ زامانداسى بولعان مايدانگەر سەيىتقاسىم بورانقۇلوۆ, رەسپۋبليكالىق گەنەرالدار كەڭەسى توراعاسىنىڭ ورىنباسارى ماحمۇت تەلەعۇسوۆ اسكەري ۇشقىشتىڭ وتكەن ومىرىنەن سىر شەرتىپ, باتىردى ەسكە الۋ جيىنىنا ءار بەردى.
– كەزىندەتالعات بيگەلدينوۆ بۇكىل كەڭەس وداعىنىڭ ماقتانىشى, ابىرويلى دا داڭقتى ازاماتى سانالدى. ودان سوڭ, ءتىپتى, تمد مەملەكەتتەرىنىڭ بارلىعى دا بىردەي وعان ەرەكشە قۇرمەت كورسەتتى. وسىنىڭ ءوزى ءبىزدىڭ جىگەرىمىزدى جانيتىن, سەزىمىمىزگە سەرپىن بەرەتىن, – دەدى ەسكە الۋ ميتينگىسىندە الماتى قالالىق ىشكى ساياسات باسقارماسىنىڭ جەتەكشىسى سانجار بوقاەۆ. – تالعات بيگەلدينوۆ – ءبىزدىڭ ۇرپاق ءۇشىن ەرلىكتىڭ سيمۆولى. ءبىزدىڭ ۇرانىمىز! ءبىزدىڭ – التىن قىرانىمىز!
باتىردىڭ قىزى رايحان تالعاتقىزى بىزبەن اڭگىمەسىندە: «مەن تاياۋدا عانا اكەم تۋرالى كىتاپ جازىپ ءبىتتىم. قازاق حالقى سۇيىكتى پەرزەنتى, جاۋجۇرەك اسكەري ۇشقىش تالعات بيگەلدينوۆتىڭ مايدانداعى ەرلىگى مەن بەيبىت ومىردەگى قاجىرلى ەڭبەگى تۋرالى كوپ بىلەدى, ءتىپتى, اڭىز ەتىپ ايتىپ تا جۇرەدى. ال مەن بۇل شىعارمامدا اياۋلى اكەمنىڭ جەكە تۇلعا رەتىندە, ازامات رەتىندە ءوزىم بايقاعان بولمىسىن, ءوزىم كۋا بولعان قاسيەتتەرىن اينا-قاتەسىز تىزبەكتەپ بەردىم, – دەدى. – ونىڭ ەرلىگىن ءارى ەسىمىن قۇرمەتتەيتىن قاۋىمنىڭ جاۋىنگەرلەر جينالاتىن ساياباققا ارنايى كەلىپ, بىزبەن بىرگە باتىردى ەسكە العانىنا وراي بىلدىرەتىن العىسىمىز دا شەكسىز».
ەلىمىزدىڭ ءانۇرانى وينالىپ, قازاقستاندىق گەنەرالدار كەڭەسىنىڭ مۇشەلەرى مەن مايدانگەرلەر, تالعات بيگەلدينوۆتىڭ جاقىندارى مەن تۋىستارى ماڭگىلىك الاۋعا القىزىل گۇل شوقتارىن قويدى. سالتاناتتىڭ سوڭىندا وفيتسەرلەر ۇيىندە گەنەرالدار كەڭەسىنىڭ دەمەۋشىلىگىمەن كينورەجيسسەر لاۆرەنتي سون تۇسىرگەن «كوككە كوتەرىلۋ» اتتى دەرەكتى فيلم كورسەتىلدى.
تالعات ءسۇيىنباي,
«ەگەمەن قازاقستان».
الماتى.
–––––––––––––
سۋرەتتە: باتىردى ەسكە الۋ ساتىنەن كورىنىس.
سۋرەتتى تۇسىرگەن اۆتور.
قازاق حالقىنىڭ داڭقتى ۇلى تالعات جاقىپبەك ۇلى بيگەلدينوۆتىڭ تۋعان كۇنى ءوزى ومىردە قانداي قاراپايىم بولسا, ەسكە الۋ ءراسىمى دە سونداي قاراپايىم تۇردە ءوتتى. وفيتسەرلەر ءۇيىنىڭ فويەسىنىڭ ءبىر بۇرىشىنا قويىلعان ۇشقىش اعا ءومىرىن ورنەكتەيتىن شاعىن عانا فوتوكورمە سونىڭ ايعاعى. نەبارى 22 جاسىندا – ءبىرىنشى, 23 جاسىندا ەكىنشى رەت كەڭەس وداعىنىڭ باتىرى اتاعىن يەلەنگەن حالقىمىزدى داڭقتى پەرزەنتىنىڭ كوزى ءتىرى بولسا, ءدال كەشە 93 جاسقا تولار ەدى...
ءبىر عانا شوعىر جينالعان ۇلى وتان سوعىسىنىڭ ارداگەرلەرى اراسىنان تالعات اعانىڭ زامانداسى بولعان مايدانگەر سەيىتقاسىم بورانقۇلوۆ, رەسپۋبليكالىق گەنەرالدار كەڭەسى توراعاسىنىڭ ورىنباسارى ماحمۇت تەلەعۇسوۆ اسكەري ۇشقىشتىڭ وتكەن ومىرىنەن سىر شەرتىپ, باتىردى ەسكە الۋ جيىنىنا ءار بەردى.
– كەزىندەتالعات بيگەلدينوۆ بۇكىل كەڭەس وداعىنىڭ ماقتانىشى, ابىرويلى دا داڭقتى ازاماتى سانالدى. ودان سوڭ, ءتىپتى, تمد مەملەكەتتەرىنىڭ بارلىعى دا بىردەي وعان ەرەكشە قۇرمەت كورسەتتى. وسىنىڭ ءوزى ءبىزدىڭ جىگەرىمىزدى جانيتىن, سەزىمىمىزگە سەرپىن بەرەتىن, – دەدى ەسكە الۋ ميتينگىسىندە الماتى قالالىق ىشكى ساياسات باسقارماسىنىڭ جەتەكشىسى سانجار بوقاەۆ. – تالعات بيگەلدينوۆ – ءبىزدىڭ ۇرپاق ءۇشىن ەرلىكتىڭ سيمۆولى. ءبىزدىڭ ۇرانىمىز! ءبىزدىڭ – التىن قىرانىمىز!
باتىردىڭ قىزى رايحان تالعاتقىزى بىزبەن اڭگىمەسىندە: «مەن تاياۋدا عانا اكەم تۋرالى كىتاپ جازىپ ءبىتتىم. قازاق حالقى سۇيىكتى پەرزەنتى, جاۋجۇرەك اسكەري ۇشقىش تالعات بيگەلدينوۆتىڭ مايدانداعى ەرلىگى مەن بەيبىت ومىردەگى قاجىرلى ەڭبەگى تۋرالى كوپ بىلەدى, ءتىپتى, اڭىز ەتىپ ايتىپ تا جۇرەدى. ال مەن بۇل شىعارمامدا اياۋلى اكەمنىڭ جەكە تۇلعا رەتىندە, ازامات رەتىندە ءوزىم بايقاعان بولمىسىن, ءوزىم كۋا بولعان قاسيەتتەرىن اينا-قاتەسىز تىزبەكتەپ بەردىم, – دەدى. – ونىڭ ەرلىگىن ءارى ەسىمىن قۇرمەتتەيتىن قاۋىمنىڭ جاۋىنگەرلەر جينالاتىن ساياباققا ارنايى كەلىپ, بىزبەن بىرگە باتىردى ەسكە العانىنا وراي بىلدىرەتىن العىسىمىز دا شەكسىز».
ەلىمىزدىڭ ءانۇرانى وينالىپ, قازاقستاندىق گەنەرالدار كەڭەسىنىڭ مۇشەلەرى مەن مايدانگەرلەر, تالعات بيگەلدينوۆتىڭ جاقىندارى مەن تۋىستارى ماڭگىلىك الاۋعا القىزىل گۇل شوقتارىن قويدى. سالتاناتتىڭ سوڭىندا وفيتسەرلەر ۇيىندە گەنەرالدار كەڭەسىنىڭ دەمەۋشىلىگىمەن كينورەجيسسەر لاۆرەنتي سون تۇسىرگەن «كوككە كوتەرىلۋ» اتتى دەرەكتى فيلم كورسەتىلدى.
تالعات ءسۇيىنباي,
«ەگەمەن قازاقستان».
الماتى.
–––––––––––––
سۋرەتتە: باتىردى ەسكە الۋ ساتىنەن كورىنىس.
سۋرەتتى تۇسىرگەن اۆتور.
