وسىعان وراي «تازا قازاقستان» اتتى ەكولوگيالىق مادەنيەتتى دامىتۋدىڭ 2024–2029 جىلدارعا ارنالعان تۇجىرىمداماسى دايىندالعان. اتالعان قۇجات حالىقتىڭ ەكولوگيالىق وي-ساناسىن ارتتىرۋعا, ەكولوگياعا جاۋاپتى ءومىر سالتىن قالىپتاستىرۋعا جانە ەكولوگيالىق ءبىلىم مەن اعارتۋشىلىقتى كۇشەيتۋگە باعىتتالعان.
ەكولوگيا جانە تابيعي رەسۋرستار ءمينيسترى ەرلان نىسانباەۆتىڭ ايتۋىنشا, تۇجىرىمداما ازاماتتاردىڭ تابيعاتقا قۇرمەتپەن قاراۋىن قالىپتاستىرۋعا, قورشاعان ورتانى قورعاۋدىڭ ماڭىزدىلىعىن تۇسىندىرۋگە جانە قوعامدى ەكولوگيالىق ماسەلەلەردى شەشۋگە جۇمىلدىرۋعا مۇمكىندىك بەرەدى.
سونىمەن بىرگە قۇجات بيزنەس پەن ءىرى كاسىپورىنداردىڭ دا ءرولىن ايقىندايدى. ولار تابيعاتتى قورعاۋ باستامالارىن جۇزەگە اسىرۋداعى نەگىزگى سەرىكتەستەر رەتىندە قاراستىرىلادى.
قازىرگى تاڭدا ەلىمىزدەگى كوپتەگەن كومپانيالار «تازا قازاقستان» باستاماسىنا قوسىلىپ, تۇراقتى تەحنولوگيالاردى ەنگىزىپ, وڭىرلەردە ەكولوگيالىق جوبالاردى قولداپ كەلەدى.
