فوتو: مەرەي قاينار ۇلى
بيىل وبلىستان شامامەن 800 جاس اسكەر قاتارىنا الىنادى. ناۋقاندى ۇيىمداستىرۋ ءۇشىن 10 نۇكتەدە اسكەرگە شاقىرۋ جانە مەديتسينالىق كوميسسيا جۇمىس ىستەيدى. شقو-دان شاقىرىلعان ساربازدار ەلدىڭ بارلىق وڭىرلەرىندە قىزمەت ەتەدى.
«اسكەرگە شاقىرىلۋشىلاردى حاباردار ەتۋ ۇدەرىسى بىرتىندەپ تسيفرلىق فورماتقا كوشىرىلىپ جاتىر. ول ءۇشىن شاقىرۋ پۋنكتەرىنە كەلۋ تۋرالى ەسكەرتۋلەر SMS جانە eGov پورتالىنىڭ جەكە كابينەتى ارقىلى جىبەرىلەدى. مەديتسينالىق كوميسسيادان ادەيى جالتارعان نەمەسە كەلمەگەن ازاماتتارعا اكىمشىلىك جانە قىلمىستىق جاۋاپكەرشىلىك قاراستىرىلعان. ياعني, ايىپپۇلدان باستاپ ءبىر جىلعا دەيىن باس بوستاندىعىنان ايىرۋ جازاسى قولدانىلادى» دەيدى قورعانىس ىستەرى دەپارتامەنتى باستىعىنىڭ ورىنباسارى جانيبەك ساپاروۆ مالىمدەدى.
ايتا كەتەيىك, اسكەرگە شاقىرىلۋشىلارعا قىزمەت ۋاقىتىنا «نەسيە دەمالىسى» بەرىلەدى. ەلدىڭ 80-نەن استام جوعارى وقۋ ورنىمەن جاسالعان كەلىسىمدەرگە سايكەس مەرزىمدى اسكەري قىزمەتىن ابىرويمەن وتەپ, جاقسى ناتيجە كورسەتكەن جاستاردى ۋنيۆەرسيتەتتەر قوسىمشا ەمتيحانسىز تەگىن قابىلدايدى.
اسكەرگە بولۋدە ءبىلىم دەڭگەيى, بىلىكتىلىگى, وتباسىلىق جاعدايى, دەنساۋلىعى جانە جەكە قالاۋ-تىلەكتەرى ەسكەرىلەدى.
شىعىس قازاقستان وبلىسى
