فوتو: sakhara.kz
قالالاردا قايتا وڭدەلەتىن شيكىزاتتى قابىلدايتىن ەكوبوكستار مەن فاندوماتتار قارقىندى تۇردە ەنگىزىلىپ جاتىر. وعان پلاستيك پەن اليۋميني تاپسىرعان ازاماتتار بونۋستارمەن كوتەرمەلەنەدى. قازىردىڭ وزىندە جەكەمەنشىك بيزنەس يەلەرى استانا, الماتى, اقتوبە, وسكەمەن سياقتى ءىرى قالالاردا 100-دەن استام فاندومات ورناتتى.
«بۇدان باسقا, تامىز ايىنىڭ سوڭىنا دەيىن پيلوتتىق جوبا اياسىندا استانا مەن جەزقازعاننىڭ 129 مەكتەبىندە قوقىستى بولەك-بولەك جيناۋعا ارنالعان 1000-نان استام ەكوبوكس ورناتىلادى», دەپ اتاپ ءوتتى ەكولوگيا جانە تابيعي رەسۋرستار ءمينيسترى ەرلان نىسانباەۆ.
ونىڭ ايتۋىنشا بۇل شارالار پوليگوندارعا جىبەرىلەتىن قالدىق كولەمىن ازايتۋعا مۇمكىندىك بەرەدى جانە سونىمەن قاتار ءوسىپ كەلە جاتقان ۇرپاقتىڭ ەكولوگيالىق ساناسىن دامىتۋعا كومەكتەسەدى.
