تەلەسايىسقا قاتىساتىن ۇمىتكەرلەر انىقتالدى
«Fox News» مەدياكورپوراتسياسى رەسپۋبليكاشىل پارتيادان اقش پرەزيدەنتتىگىنە كانديداتتىققا ۇسىنىلعان ون ۇمىتكەردى اتادى. ولار نەگىزگى تەلەسايىسقا قاتىساتىن بولادى.
تىزىمدە ميللياردەر دونالد ترامپ, فلوريدا شتاتىنىڭ بۇرىنعى گۋبەرناتورى دجەب بۋش, ۆيسكونسيننىڭ گۋبەرناتورى سكوتت ۋوكەر, اركانزاس شتاتىنىڭ ەكس-گۋبەرناتورى مايك حاكابي, زەينەتكەر نەيروحيرۋرگ بەن كارسون, نيۋ-دجەرسي جانە وگايو شتاتتارىنىڭ گۋبەرناتورلارى كريس كريستي مەن دجون كەيسيچ, سەناتورلار رەند پول, ماركو رۋبيو جانە تەد كرۋس بار. جۇرگىزىلگەن ساۋالداما ناتيجەسى الدىڭعى ورىندا ترامپتىڭ, ودان كەيىن بۋش پەن ۋوكەردىڭ تۇرعاندىعىن كورسەتكەن. بۇل «نەگىزگى قۇرامعا» جەتى ۇمىتكەر كىرە الماعان. ولار پىكىرسايىسقا بولەك شاقىرىلادى.
جولاۋشىلار پويىزىنىڭ ۆاگوندارى وزەنگە قۇلادى
ءۇندىستاننىڭ ورتالىق بولىگىندە ەكى پويىزدىڭ ۆاگوندارىنىڭ كوپىردەن وزەنگە قۇلاۋى سالدارىنان 25-كە جۋىق جولاۋشى مەرت بولدى. بۇل اقپاراتتى ۇندىستاندىق اقپارات قۇرالدارى تاراتتى.
قايعىلى جاعداي سارسەنبىگە قاراعان ءتۇنى مادحيا-پرادەش شتاتىنداعى حاردا قالاسىنان 25 شاقىرىمداي جەردە بولعان. الدىمەن مۋمباي-ۆاراناسي باعىتىمەن كەلە جاتقان پويىزدىڭ التى ۆاگونى كوپىردىڭ قيىلىسىندا رەلستەن شىعىپ كەتىپ, وزەنگە قۇلاعان. بىرنەشە مينۋتتان كەيىن وسىعان جاقىن جەردە دجابالپەر – مۋمباي باعىتىنداعى پويىزدىڭ لوكوموتيۆى جانە ءۇش ۆاگونى رەلستەن شىعىپ كەتكەن. تەمىرجول كومپانياسى وكىلىنىڭ ايتۋىنشا, اپات نوسەر جاۋىننىڭ سالدارىنان بولۋى ابدەن مۇمكىن.
ەڭ كوپ تابىس تاپقان كينواكتەر
امەريكالىق Forbes جۋرنالىنىڭ رەيتينگى بويىنشا, الەمدە ەڭ جوعارى اقى تولەنەتىن كينواكتەر بولىپ «مستيتەلەي» جۇلدىزى كىشى روبەرت-داۋني تانىلدى.
اتالعان باسىلىم ونىڭ 2014 جىلدىڭ 1 ماۋسىمى مەن 2015 جىلدىڭ 1 ماۋسىمى ارالىعىنداعى تابىسىن 80 ميلليون دوللار دەپ باعالاعان. تىزىمدە ەكىنشى بولىپ گونكونگ تۇرعىنى دجەكي چان تۇر. ونىڭ تابىسى 50 ميلليون دوللار ەكەن. ۆان ديزەل 47 ميلليون دوللارمەن ءۇشىنشى ورىنعا جايعاسىپتى. سونداي-اق, باسىلىم برەدلي كۋپەردىڭ تابىسىن 41,5 ميلليونعا, ادام سەندلەردىڭ تابىسىن 41 ميلليونعا, توم كرۋزدىڭ كىرىسىن 40 ميلليون دوللارعا باعالاپتى. ال مارك ۋولبەرگ 32 ميلليون دوللارمەن ونىنشى ورىندا تۇر.
قىسقا قايىرىپ ايتقاندا:
● اقش كونگرەسىنىڭ وكىلدەر پالاتاسى يرانمەن, ونىڭ يادرولىق باعدارلاماسى بويىنشا كەلىسىمدى قابىلداماۋ تۋرالى قارار جوباسىن ەنگىزدى. قۇجاتتى تومەنگى پالاتانىڭ شەتەل ىستەرى جونىندەگى كوميتەتتىڭ توراعاسى ەد رويس ۇسىنعان.
● شۆەيتساريا كەدەنشىلەرى قىتاي ازاماتتارىنىڭ چەموداندارىن تەكسەرۋ كەزىندە 260 كيلوعا جۋىق ءپىل سۇيەگىن تاپتى. قارا بازاردا ونىڭ قۇنى شامامەن 410 مىڭ دوللاردى قۇرايدى ەكەن.
● يران تۇركىمەنستانمەن اراداعى شەكاراعا دەيىنگى العاشقى جولاۋشىلار پويىزىن ىسكە قوستى. پويىزدىڭ جىلدامدىعى ساعاتىنا 120 شاقىرىمدى قۇرايدى.
● «يراك پەن لەۆانتتىڭ تەررورلىق توبى» دەگەن اتپەن بەلگىلى سودىرلار ەكى اپتادا موسۋل قالاسىنىڭ 2 مىڭ تۇرعىنىن ولتىرگەن. قازا بولعانداردىڭ كوپشىلىگى پوليتسەيلەر مەن اسكەري قىزمەتكەرلەر جانە شەنەۋنىكتەر.
ۇشاق اپاتىنان 16 پوليتسەي قازا تاپتى
كولۋمبيادا ۇشاق اپاتىنىڭ سالدارىنان 16 پوليتسيا قىزمەتكەرى قازا تاپتى. «رەيتەر» اقپارات اگەنتتىگىنىڭ حابارلاۋىنشا, وقيعا ەلدىڭ سولتۇستىك-باتىسىنداعى ورماندى ايماقتا بولعان.
امەريكالىق وندىرىستە شىعارىلعان UH-60 ۇشاعى تاۋعا سوعىلعان. كولۋمبيا قورعانىس ءمينيسترى لۋيس كارلوس ۆيلەگاستىڭ سوزىنە قاراعاندا, ۇشاق اۋا رايىنىڭ قولايسىزدىعىنان نەمەسە مەحانيكالىق زاقىمدانۋدان اپاتقا ۇشىراۋى مۇمكىن. قازا تاپقان پوليتسيا قىزمەتكەرلەرى ەسىرتكىگە قارسى وپەراتسيالارعا قاتىسىپ ءجۇر ەكەن. اتاپ وتەيىك, وسىدان ءتورت كۇن بۇرىن ەلدىڭ سولتۇستىك-شىعىسىندا دۆيگاتەل اقاۋىنا بايلانىستى يسپاندىق وندىرىسىنەن شىققان CASA C – 235 ۇشاعى قۇلاپ, 11 اسكەري قىزمەتشى قازا تاپقان ەدى.
ەلدىڭ ءبىرىنشى حانىمى پارلامەنت سايلاۋىنا قاتىسپاق
ۆەنەسۋەلا پرەزيدەنتىنىڭ زايىبى سيليا فلورەس ەلدىڭ ۇلتتىق اسسامبلەياسى – پارلامەنت سايلاۋىنا قاتىسۋعا شەشىم قابىلدادى. سايلاۋ وسى جىلدىڭ 6 جەلتوقسانىندا وتەدى.
پرەزيدەنت نيكولاس مادۋرو زايىبىنىڭ بۇل شەشىمىن قۇپتاعان. وسىنىڭ الدىندا عانا وپپوزيتسيا جەتەكشىسى م.ماچادونى كانديدات رەتىندە تىركەۋدەن باس تارتقان ەكەن. ال سيليا فلورەس – ۆەنەسۋەلا ءبىرتۇتاس سوتسياليستىك پارتياسىنىڭ مۇشەسى. ول 2006-2011 جىلدارى ارالىعىندا پارلامەنت سپيكەرى بولدى, 2012-2013 جىلدارى ەلدىڭ باس پروكۋرورى قىزمەتىن اتقارعان. 62 جاستاعى س.فلورەس ءوزىنىڭ كۇيەۋى ن.مادۋرودان ون جاس ۇلكەن.
حوۋسيتتەر اسكەري بازادان ايىرىلدى
يەمەن پرەزيدەنتىنىڭ اسكەرى لاحدج پروۆينتسياسىنداعى اسكەري-اۋە بازاسىن شيتتىك كوتەرىلىسشىلەر – حوۋسيتتەردەن بوساتتى. بۇل جونىندە وپەراتسياعا جەتەكشىلىك ەتكەن ارميا گەنەرالى حادي فادەل مالىمدەدى.
گەنەرالدىڭ ايتۋىنشا, بىرنەشە ساعاتقا سوزىلعان ۇرىستا ونداعان حوۋسيتتەر جەر جاستانعان نەمەسە تۇتقىنعا الىنعان, جۇزدەگەن حوۋسيتتەر قاشىپ قۇتىلعان. اسكەرلەر اۋماعى 40 شارشى شاقىرىم بولاتىن ءال-اناد بازاسىنان حوۋسيتتەردى ىزدەستىرۋدە. ارميا گەنەرالى اسكەرلەر يەمەننىڭ وڭتۇستىگىندەگى لاحدج جانە ابيان پروۆينتسيالارىن حوۋسيت سودىرلارىنان تولىقتاي تازارتۋعا ۋادە بەرىپ وتىر. ال شابۋىل پرەزيدەنت اسكەرى ساۋد ارابياسى مەن بىرىككەن اراب امىرلىكتەرىنەن جاڭا تەحنيكا مەن قارۋ-جاراقتار العاننان كەيىن باستالعان.
«Fox News» مەدياكورپوراتسياسى رەسپۋبليكاشىل پارتيادان اقش پرەزيدەنتتىگىنە كانديداتتىققا ۇسىنىلعان ون ۇمىتكەردى اتادى. ولار نەگىزگى تەلەسايىسقا قاتىساتىن بولادى.
تىزىمدە ميللياردەر دونالد ترامپ, فلوريدا شتاتىنىڭ بۇرىنعى گۋبەرناتورى دجەب بۋش, ۆيسكونسيننىڭ گۋبەرناتورى سكوتت ۋوكەر, اركانزاس شتاتىنىڭ ەكس-گۋبەرناتورى مايك حاكابي, زەينەتكەر نەيروحيرۋرگ بەن كارسون, نيۋ-دجەرسي جانە وگايو شتاتتارىنىڭ گۋبەرناتورلارى كريس كريستي مەن دجون كەيسيچ, سەناتورلار رەند پول, ماركو رۋبيو جانە تەد كرۋس بار. جۇرگىزىلگەن ساۋالداما ناتيجەسى الدىڭعى ورىندا ترامپتىڭ, ودان كەيىن بۋش پەن ۋوكەردىڭ تۇرعاندىعىن كورسەتكەن. بۇل «نەگىزگى قۇرامعا» جەتى ۇمىتكەر كىرە الماعان. ولار پىكىرسايىسقا بولەك شاقىرىلادى.
جولاۋشىلار پويىزىنىڭ ۆاگوندارى وزەنگە قۇلادى
ءۇندىستاننىڭ ورتالىق بولىگىندە ەكى پويىزدىڭ ۆاگوندارىنىڭ كوپىردەن وزەنگە قۇلاۋى سالدارىنان 25-كە جۋىق جولاۋشى مەرت بولدى. بۇل اقپاراتتى ۇندىستاندىق اقپارات قۇرالدارى تاراتتى.
قايعىلى جاعداي سارسەنبىگە قاراعان ءتۇنى مادحيا-پرادەش شتاتىنداعى حاردا قالاسىنان 25 شاقىرىمداي جەردە بولعان. الدىمەن مۋمباي-ۆاراناسي باعىتىمەن كەلە جاتقان پويىزدىڭ التى ۆاگونى كوپىردىڭ قيىلىسىندا رەلستەن شىعىپ كەتىپ, وزەنگە قۇلاعان. بىرنەشە مينۋتتان كەيىن وسىعان جاقىن جەردە دجابالپەر – مۋمباي باعىتىنداعى پويىزدىڭ لوكوموتيۆى جانە ءۇش ۆاگونى رەلستەن شىعىپ كەتكەن. تەمىرجول كومپانياسى وكىلىنىڭ ايتۋىنشا, اپات نوسەر جاۋىننىڭ سالدارىنان بولۋى ابدەن مۇمكىن.
ەڭ كوپ تابىس تاپقان كينواكتەر
امەريكالىق Forbes جۋرنالىنىڭ رەيتينگى بويىنشا, الەمدە ەڭ جوعارى اقى تولەنەتىن كينواكتەر بولىپ «مستيتەلەي» جۇلدىزى كىشى روبەرت-داۋني تانىلدى.
اتالعان باسىلىم ونىڭ 2014 جىلدىڭ 1 ماۋسىمى مەن 2015 جىلدىڭ 1 ماۋسىمى ارالىعىنداعى تابىسىن 80 ميلليون دوللار دەپ باعالاعان. تىزىمدە ەكىنشى بولىپ گونكونگ تۇرعىنى دجەكي چان تۇر. ونىڭ تابىسى 50 ميلليون دوللار ەكەن. ۆان ديزەل 47 ميلليون دوللارمەن ءۇشىنشى ورىنعا جايعاسىپتى. سونداي-اق, باسىلىم برەدلي كۋپەردىڭ تابىسىن 41,5 ميلليونعا, ادام سەندلەردىڭ تابىسىن 41 ميلليونعا, توم كرۋزدىڭ كىرىسىن 40 ميلليون دوللارعا باعالاپتى. ال مارك ۋولبەرگ 32 ميلليون دوللارمەن ونىنشى ورىندا تۇر.
قىسقا قايىرىپ ايتقاندا:
● اقش كونگرەسىنىڭ وكىلدەر پالاتاسى يرانمەن, ونىڭ يادرولىق باعدارلاماسى بويىنشا كەلىسىمدى قابىلداماۋ تۋرالى قارار جوباسىن ەنگىزدى. قۇجاتتى تومەنگى پالاتانىڭ شەتەل ىستەرى جونىندەگى كوميتەتتىڭ توراعاسى ەد رويس ۇسىنعان.
● شۆەيتساريا كەدەنشىلەرى قىتاي ازاماتتارىنىڭ چەموداندارىن تەكسەرۋ كەزىندە 260 كيلوعا جۋىق ءپىل سۇيەگىن تاپتى. قارا بازاردا ونىڭ قۇنى شامامەن 410 مىڭ دوللاردى قۇرايدى ەكەن.
● يران تۇركىمەنستانمەن اراداعى شەكاراعا دەيىنگى العاشقى جولاۋشىلار پويىزىن ىسكە قوستى. پويىزدىڭ جىلدامدىعى ساعاتىنا 120 شاقىرىمدى قۇرايدى.
● «يراك پەن لەۆانتتىڭ تەررورلىق توبى» دەگەن اتپەن بەلگىلى سودىرلار ەكى اپتادا موسۋل قالاسىنىڭ 2 مىڭ تۇرعىنىن ولتىرگەن. قازا بولعانداردىڭ كوپشىلىگى پوليتسەيلەر مەن اسكەري قىزمەتكەرلەر جانە شەنەۋنىكتەر.
ۇشاق اپاتىنان 16 پوليتسەي قازا تاپتى
كولۋمبيادا ۇشاق اپاتىنىڭ سالدارىنان 16 پوليتسيا قىزمەتكەرى قازا تاپتى. «رەيتەر» اقپارات اگەنتتىگىنىڭ حابارلاۋىنشا, وقيعا ەلدىڭ سولتۇستىك-باتىسىنداعى ورماندى ايماقتا بولعان.
امەريكالىق وندىرىستە شىعارىلعان UH-60 ۇشاعى تاۋعا سوعىلعان. كولۋمبيا قورعانىس ءمينيسترى لۋيس كارلوس ۆيلەگاستىڭ سوزىنە قاراعاندا, ۇشاق اۋا رايىنىڭ قولايسىزدىعىنان نەمەسە مەحانيكالىق زاقىمدانۋدان اپاتقا ۇشىراۋى مۇمكىن. قازا تاپقان پوليتسيا قىزمەتكەرلەرى ەسىرتكىگە قارسى وپەراتسيالارعا قاتىسىپ ءجۇر ەكەن. اتاپ وتەيىك, وسىدان ءتورت كۇن بۇرىن ەلدىڭ سولتۇستىك-شىعىسىندا دۆيگاتەل اقاۋىنا بايلانىستى يسپاندىق وندىرىسىنەن شىققان CASA C – 235 ۇشاعى قۇلاپ, 11 اسكەري قىزمەتشى قازا تاپقان ەدى.
ەلدىڭ ءبىرىنشى حانىمى پارلامەنت سايلاۋىنا قاتىسپاق
ۆەنەسۋەلا پرەزيدەنتىنىڭ زايىبى سيليا فلورەس ەلدىڭ ۇلتتىق اسسامبلەياسى – پارلامەنت سايلاۋىنا قاتىسۋعا شەشىم قابىلدادى. سايلاۋ وسى جىلدىڭ 6 جەلتوقسانىندا وتەدى.
پرەزيدەنت نيكولاس مادۋرو زايىبىنىڭ بۇل شەشىمىن قۇپتاعان. وسىنىڭ الدىندا عانا وپپوزيتسيا جەتەكشىسى م.ماچادونى كانديدات رەتىندە تىركەۋدەن باس تارتقان ەكەن. ال سيليا فلورەس – ۆەنەسۋەلا ءبىرتۇتاس سوتسياليستىك پارتياسىنىڭ مۇشەسى. ول 2006-2011 جىلدارى ارالىعىندا پارلامەنت سپيكەرى بولدى, 2012-2013 جىلدارى ەلدىڭ باس پروكۋرورى قىزمەتىن اتقارعان. 62 جاستاعى س.فلورەس ءوزىنىڭ كۇيەۋى ن.مادۋرودان ون جاس ۇلكەن.
حوۋسيتتەر اسكەري بازادان ايىرىلدى
يەمەن پرەزيدەنتىنىڭ اسكەرى لاحدج پروۆينتسياسىنداعى اسكەري-اۋە بازاسىن شيتتىك كوتەرىلىسشىلەر – حوۋسيتتەردەن بوساتتى. بۇل جونىندە وپەراتسياعا جەتەكشىلىك ەتكەن ارميا گەنەرالى حادي فادەل مالىمدەدى.
گەنەرالدىڭ ايتۋىنشا, بىرنەشە ساعاتقا سوزىلعان ۇرىستا ونداعان حوۋسيتتەر جەر جاستانعان نەمەسە تۇتقىنعا الىنعان, جۇزدەگەن حوۋسيتتەر قاشىپ قۇتىلعان. اسكەرلەر اۋماعى 40 شارشى شاقىرىم بولاتىن ءال-اناد بازاسىنان حوۋسيتتەردى ىزدەستىرۋدە. ارميا گەنەرالى اسكەرلەر يەمەننىڭ وڭتۇستىگىندەگى لاحدج جانە ابيان پروۆينتسيالارىن حوۋسيت سودىرلارىنان تولىقتاي تازارتۋعا ۋادە بەرىپ وتىر. ال شابۋىل پرەزيدەنت اسكەرى ساۋد ارابياسى مەن بىرىككەن اراب امىرلىكتەرىنەن جاڭا تەحنيكا مەن قارۋ-جاراقتار العاننان كەيىن باستالعان.
