يگى باستامانىڭ نەگىزگى ماقساتى – تەك قانا قوقىستى جيناۋ ەمەس, سونىمەن قاتار قورشاعان ورتانى قورعاۋدىڭ ماڭىزدىلىعىن تەرەڭ ءتۇسىنۋدى قالىپتاستىرۋ. ۇيىمداستىرۋشىلار ەلدى مەكەندەردىڭ كەلبەتىن جاقسارتۋمەن قاتار, ءار ازاماتتىڭ تابيعاتتى قورعاۋعا دەگەن جەكە جاۋاپكەرشىلىك سەزىمىن وياتۋدى كوزدەيدى.
ەكولوگيالىق اكتسياعا مەملەكەتتىك قىزمەتكەرلەر, ەرىكتىلەر, قوعامدىق بىرلەستىكتەردىڭ بەلسەندىلەرى, «جاسىل ەل» جاساقتارىنىڭ مۇشەلەرى جانە جەرگىلىكتى تۇرعىندار قاتىستى. بارلىعى بىرىگىپ قوعامدىق اۋماقتى تۇرمىستىق قالدىقتان تازارتىپ, ەكولوگيالىق بىرلىك پەن جاناشىرلىقتىڭ جارقىن ۇلگىسىن كورسەتتى.
اقكول اۋدانىنىڭ اكىمى بىرجان تاسبولات ۇلى شاراعا ارنايى كەلىپ, مۇنداي باستامالاردىڭ ماڭىزدىلىعىنا توقتالدى:
«قورشاعان ورتانىڭ تازالىعى – ەرتەڭگى كۇنگە سالىنعان ينۆەستيتسيا. تابيعاتتى كەلەشەك ۇرپاق ءۇشىن ساقتاۋ – بارلىعىمىزدىڭ ورتاق مىندەتىمىز. بۇل اكتسيا جاستارىمىزدىڭ بەلسەندىلىگى مەن بىرلىگىن ايقىن كورسەتتى», – دەدى اۋدان اكىمى.
قاتىسۋشىلاردىڭ بەلسەندىلىگى مەن ۇيىمشىلدىعىنىڭ ارقاسىندا اكتسيا وتكىزىلگەن اۋماق تولىقتاي تازارتىلدى. بۇل شارا اۋداننىڭ ەكولوگيالىق جاعدايىن جاقسارتۋعا سەپتىگىن تيگىزىپ قانا قويماي, ءار ادامنىڭ ورتاق ىسكە ۇلەس قوسۋى قانشالىقتى ماڭىزدى ەكەنىن تاعى ءبىر مارتە دالەلدەدى.
