تالاي مارتە وتكىزگەن ءىس-شارامىزدىڭ باسىنان اياعىنا دەيىن قاتىسىپ, «Egemen Qazaqstan» گازەتىنە جاريالاعانشا تىنىم تاپپايتىن. وتە جاۋاپكەرشىلىگى مول ايگۇلدى ءدال وسىلاي كەتە بارادى دەپ كىم ويلاعان؟.. راس, سوڭعى كەزدەرى «ناۋقاستانىڭقىراپ ءجۇرمىن, كوكشەتاۋعا دەمالىس ورنىنا بارىپ ەمدەلىپ كەلەمىن» دەگەنىن ەستىگەنبىز. بىلتىر عانا پرەزيدەنت قولىنان ماراپات الۋ ءۇشىن اقورداعا بارعاندا ءدارى-دارمەك كۇشىمەن قالاي تەز جازىلىپ, «اياققا تۇرعانىن» وزىنە ءتان ادەمى كۇلكىسىمەن شىنايى ايتىپ بەرگەن ەدى.
قالامى ۇشقىر, ماسەلەنى تەرەڭىنەن تولعاپ كوتەرە الاتىن قارىمدى جۋرناليست ايگۇلدىڭ جوسپارى كوپ-ءتىن. ءالى دە بولسا ۇلت رۋحانياتىنا بەرەرى مول ەدى. ونىڭ قازاسى – ءبارىمىز ءۇشىن ورنى تولماس وكىنىش. وتباسىنا, تۋعان-تۋىستارىنا, شىعارماشىل ارىپتەستەرىنە, قالىڭ جۇرتشىلىققا قايعىرا كوڭىل ايتامىز. اللانىڭ پاناسىندا بولسىن.
امانگەلدى مۇقان,
ونەرتانۋ عىلىمدارىنىڭ كانديداتى, تەاترتانۋشى
