فوتو: zqai.kz
«بۇگىندە بۇل نورمالاردىڭ بارلىعى قوعامىمىزدى, ساياسي جۇيەمىزدى, ازاماتتىق قوعام ينستيتۋتتارىن ىلگەرى جىلجىتىپ جاتىر دەپ سەنىممەن ايتا الامىز», دەدى ول استانادا وتكەن 2022 جىلعى كونستيتۋتسيالىق تۇزەتۋلەرگە تۇسىندىرمەنىڭ 2-باسىلىمىنىڭ تۇساۋكەسەرى بارىسىندا.
قر-نىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ جونىندەگى جۇمىس توبىنىڭ مۇشەسى رەتىندە ينديرا اۋباكىروۆا پرەزيدەنت ينستيتۋتىنا قاتىستى بىرقاتار جاڭاشىلدىقتارعا توقتالدى.
اتاپ ايتقاندا, پرەزيدەنت ءبىر رەت قانا 7 جىل مەرزىمگە سايلانادى. سونداي-اق, ەندى پرەزيدەنت وبلىستاردىڭ, رەسپۋبليكالىق ماڭىزى بار قالالاردىڭ جانە ەلوردانىڭ اكىمدەرىن ءماسليحات دەپۋتاتتارىنىڭ كەلىسىمىمەن تاعايىندايدى. بۇل رەتتە پرەزيدەنت كەمىندە ەكى كانديداتۋرا ۇسىنادى, ولاردىڭ ىشىنەن داۋىس بەرۋ ارقىلى تاڭداۋ جاسالادى.
«تاعى ءبىر ەرەكشە اتاپ وتەتىن جاڭاشىلدىق – پرەزيدەنتتىڭ پارتيادا بولماۋى. بۇل باستامانى مەملەكەت باسشىسى ءوزى كوتەردى, ءبىز ونى كونستيتۋتسيالىق ەرەجەگە اينالدىردىق. پرەزيدەنتتىڭ پارتيادان تىس ءارى ساياسي تۇرعىدان بەيتاراپ بولۋى ساياسي جۇيەدە ازاماتتاردىڭ قۇقىقتارى مەن بوستاندىقتارىنىڭ قورعالۋىن كۇشەيتەدى. وسى جاڭاشىلدىقتار ەنگىزىلگەننەن كەيىن, بىزدە كوپتەگەن باعىتتار بويىنشا ادىلەتتى ءارى ادامنىڭ قاجەتتىلىكتەرىنە باسىمدىق بەرەتىن قوعام مەن مەملەكەتتى قالىپتاستىراتىن جاڭا باعدارلار ايقىندالدى», دەپ اتاپ ءوتتى زاڭناما جانە قۇقىقتىق اقپارات ينستيتۋتىنىڭ ديرەكتورى.
