عالىمنىڭ ەڭبەگى «ساياسي كوممۋنيكاتسيا قۇرالى رەتىندەگى جاساندى ينتەللەكت: قولدانىلۋى جانە عالامدىق بولجاۋ» دەپ اتالادى. بۇل جۇمىس – ەلىمىزدە جي مەن ساياسي كوممۋنيكاتسيانىڭ ءوزارا بايلانىسىن جان-جاقتى تالداعان العاشقى زەرتتەۋ. عالىم جي-ءدىڭ قوعامدىق پىكىر قالىپتاستىرۋداعى ءرولىن, ساياسي ۇدەرىستەگى ىقپالىن جانە بولاشاقتاعى دامۋ باعىتتارىن ايقىنداپ, ارنايى بولجاۋ مودەلىن ۇسىندى.
زەرتتەۋ بارىسىندا اۆتور حالىقارالىق مىسالدارمەن قاتار, ەلىمىزدەگى جاعدايدى تەرەڭ تالداعان. جي-ءدىڭ ساياساتتاعى قولدانىسىنا قاتىستى زاڭنامالىق بازا, تەحنولوگيالىق مۇمكىندىكتەر مەن شىنايى تاجىريبە سارالانعان. بۇل باعىتتا عالىم ساراپشىلارمەن سۇحبات جۇرگىزىپ, الەۋمەتتىك جەلىلەر مەن تسيفرلىق پلاتفورمالاردى زەرتتەپ, SWOT جانە PEST تالداۋلار جاسادى.
ديسسەرتاتسيانىڭ قورىتىندىلارى ساياساتتانۋشىلارعا, مەديا ساراپشىلارىنا, مەملەكەتتىك قىزمەتكەرلەرگە جانە ءىت ماماندارىنا پايدالى بولماق. جۇمىس ناتيجەلەرى تسيفرلاندىرۋ ساياساتىن جەتىلدىرۋگە, اقپاراتتىق قاۋىپسىزدىكتى قامتاماسىز ەتۋگە جانە جاڭا وقۋ كۋرستارىن ازىرلەۋگە نەگىز بولا الادى.
مادەنيەت جانە اقپارات مينيسترلىگىنىڭ وكىلدەرى مەن عىلىمي جەتەكشىلەر بۇل ەڭبەكتى جوعارى باعالاپ, اۆتوردىڭ وزەكتى تاقىرىپتى تاڭداۋىن اتاپ ءوتتى. رەتسەنزيادا جي-ءدىڭ قوعام مەن ساياساتقا ىقپالى تەرەڭ اشىلعانى, بولاشاق تاۋەكەلدەر مەن مۇمكىندىكتەر ناقتى كورسەتىلگەنى ايتىلعان.
ايتولقىن ءاشىموۆانىڭ ەڭبەگى ەلىمىزدىڭ عىلىمي قاۋىمداستىعىن حالىقارالىق دەڭگەيدەگى تسيفرلىق ساياسات زەرتتەۋلەرىنە ۇلەس قوسىپ, وتاندىق مەكتەپتىڭ دامۋىنا جول اشادى. بۇل زەرتتەۋ ساياسات پەن تەحنولوگيا تۇيىسكەن جاڭا عىلىمي باعىتتىڭ ىرگەتاسى بولماق.
