بۇل تۋرالى رەسمي تۇردە اليانس حاتشىسى مارك ريۋتتە ءمالىم ەتتى.
ريۋتتە تۇركيا تاراپىنا ماڭىزدى حالىقارالىق ءىس-شارانى وتكىزۋگە دايىندىعى ءۇشىن ريزاشىلىعىن ءبىلدىردى.
- مەن تۇركياعا 7-8 شىلدەدە انكارادا ناتو ءسامميتىن وتكىزەتىنى ءۇشىن العىسىمدى بىلدىرگىم كەلەدى, - دەپ مالىمدەدى ريۋتتە.
ول سونىمەن قاتار ۇيىمعا مۇشە ەلدەردىڭ پرەزيدەنتتەرى مەن ۇكىمەت باسشىلارى قاۋىپسىزدىك بويىنشا شەشۋشى ماسەلەلەردى تالقىلاپ, زاماناۋي قاۋىپتەرگە ستراتەگيالىق جاۋاپتار ازىرلەۋدى جالعاستىراتىنىن جەتكىزدى.
بۇل كەيىنگى 25 جىلدا تۇركيادا وتەتىن ناتو-نىڭ ەكىنشى ءسامميتى بولماق. 2004 جىلى وسىنداي ءىس-شارا ىستانبۇلدا وتكەن بولاتىن. كەزدەسۋدى انكارادا وتكىزۋ تۋرالى شەشىم تۇركيانىڭ اليانستىڭ شەشۋشى مۇشەسى ءارى ناتو-نىڭ وڭتۇستىك قاناتىنىڭ ستراتەگيالىق سەرىكتەسى رەتىندەگى ءرولىن كورسەتەدى.
ءسامميتتىڭ كۇن تارتىبىنە قورعانىستى نىعايتۋ, سەرىكتەس ەلدەرگە قولداۋ كورسەتۋ, شىعىس قاناتتى كۇشەيتىپ, ناتو-نى وزگەرىپ جاتقان گەوساياسي جاعدايعا بەيىمدەۋ ماسەلەلەرى كىرەدى.
