جۋرناليستەرمەن كەزدەسۋدە قوستاناي وبلىستىق ءبىلىم بەرۋ باسقارماسىنىڭ باسشىسى ءاليا تۇرعاراەۆا وسىنى مالىمدەدى. سودان كەيىن مەكتەپتەردىڭ جاڭا وقۋ جىلىنا جانە قىسقا دايىندىعى, وقۋلىقتىڭ جەتكىزىلۋى جونىندە اڭگىمەلەدى.
وبلىستاعى 548 جالپى ءبىلىم بەرەتىن مەكتەپتەردىڭ 47 پايىزى كۇردەلى جوندەۋدەن وتكىزىلدى. قاراسۋ اۋدانىنداعى اپات جاعدايىندا تۇرعان يليچ ءبىلىم ۇياسى تۋرالى كوپتەن بەرى ايتىلىپ كەلەدى. ءبىلىم بەرۋ باسقارماسىنىڭ باسشىسى بۇل مەكتەپتىڭ جوندەۋ جۇمىستارى 2016 جىلى جۇرگىزىلەتىنىن ايتتى. جىل باسىنان بەرى 5 ءبىلىم مەكەمەسىنە كۇردەلى جوندەۋ جۇمىستارى ءجۇرگىزىلگەن.
بۇگىنگە دەيىن بارلىعى 741 مەملەكەتتىك ءبىلىم بەرۋ مەكەمەلەرىنىڭ 431-ءى قاتتى وتىنمەن جىلىتىلادى. ولارعا جىلىنا 95 مىڭ 21 توننا كومىر جەتكىزىلۋى ءتيىس. قازىر بارلىق كەرەكتى وتىننىڭ 94 پايىزى جەتكىزىلدى. وبلىستا بيىل 9 مەكتەپ جابىلىپ, 5-ءۋى قايتا قۇرىلاتىن سەبەبى اۋىلدا بالا سانىنىڭ ازايۋىنا بايلانىستى بولىپ وتىر. وتكەن جىلى 8 مەكتەپ جابىلىپ, 10 مەكتەپ قايتا قۇرىلعان بولاتىن. ءاليا تۇرعاراەۆانىڭ ايتۋىنشا, بىلتىر 3-ءشى جانە 10-شى سىنىپتار اراسىنداعى وقۋشىلار وقۋلىقپەن 98 پايىز قامتاماسىز ەتىلگەن. الايدا, ءبىلىم وشاقتارىنا كىتاپتاردىڭ ءوز ۋاقىتىندا جەتكىزىلمەۋى ءبىراز قيىندىقتار تۋعىزعان بولاتىن. بيىل وقۋلىقتاردىڭ تاسىمالدانىپ, جەتكىزىلۋى 80 پايىزدى قۇراپ وتىر. ال ولاردى اۋداندارعا جەتكىزۋ 10 تامىزدا اياقتالادى.
ءنازيرا جارىمبەتوۆا, «ەگەمەن قازاقستان».
قوستاناي.
