كىتاپ جارمەڭكەسىنە قاتىستى

ءىس-شاراعا قازاقستان تاراپىنان مادەنيەت جانە اق­پارات مينيسترلىگى ارحيۆ, قۇجاتتاما جانە كىتاپ ءىسى كو­مي­تەتى توراعاسىنىڭ ورىنباسارى رول­­لان قۇسپان جانە قازاق­ستان رەس­پۋب­لي­كاسىنىڭ گۋانچجوۋ قالاسىنداعى باس كونسۋلى ءۋاليحان سارسەمبەكوۆ قاتىستى.

جارمەڭكە شەڭبەرىندە مادەنيەت جانە اقپارات مينيسترلىگىنىڭ, قا­زاق­ستان رەس­پۋب­ليكاسىنىڭ قىتاي حا­لىق­ رەسپۋبليكاسىنداعى ەلشىلىگىنىڭ, سون­داي-اق «Beijing Glize Cultural Media Co., Ltd.» كومپانياسىنىڭ قولداۋى­مەن قازاقستاننىڭ ۇلتتىق پاۆيلونى تا­نىس­تىرىلدى.

پاۆيلوندا قازاق باسپالا­رىنىڭ باسى­لىمدارى, قىتاي ادەبي شىعارما­لا­رىنىڭ قازاق تىلىنە جانە وتاندىق ­اۆتورلار شىعارمالارىنىڭ قىتاي تىلىنە اۋدارمالارى, سونداي-اق قازاق­ستان­نىڭ ساۋدا-ەكونوميكالىق جانە تۋريستىك الەۋەتى تۋرالى اقپارات­تىق ماتەريالدار ۇسىنىلدى.

ەكسپوزيتسيا قىتايلىق كورەر­مەندەردىڭ زور قىزىعۋشى­لىعىن تۋدىردى. جارمەڭكە اياسىندا «اباي جولى» كەيىپ­كەرلەرى جانە اباي» جانە «اباي. ولەڭدەر مەن پوەمالار» اتتى جاڭا باسىلىمداردىڭ تۇساۋكەسەرى ءوتتى.

بۇل ەڭبەكتەر ۇلى اقىن مۇراسىن كەڭ وقىرمان قاۋىمعا ناسيحاتتاۋعا باعىتتالعان. ءىس-شاراعا گۋاندۋن پروۆينتسياسى ناسيحات دەپارتامەنتىنىڭ وكىلدەرى قاتىستى.

جارمەڭكەگە بىرىككەن اراب امىر­لىكتەرى, ۆەتنام, گەر­مانيا, مىسىر, قاتار, قىر­عىزستان, مالايزيا, نيدەر­لاند, وزبەكستان, پولشا, سينگاپۋر, تايلاند, فرانتسيا ەلدە­رىنىڭ باسپالارى مەن مادەني ۇيىمدارى قاتىسىپ جاتىر.