– شاۆكاتتىڭ كەلەسى جەكپە-جەگى تۋرالى ناقتى ەشتەڭە ايتا المايمىز. ارينە, بيىل-اق شارشى الاڭعا شىققىمىز كەلەدى, بىراق قازىر شاۆكاتتىڭ جاعدايى بەلگىلى. ءدال ۋاقىتىن ايتا المايمىن. قازىر جاتتىعۋلاردى ءبىر كۇندە ءبىر رەت وتكىزىپ ءجۇرمىز. دەگەنمەن, جەكپە-جەككە قاتىستى ناقتى جاۋاپ جوق, – دەدى بازروۆ Betonmobile باسىلىمىنا بەرگەن سۇحباتىندا.
سونىمەن قاتار, ول راحمونوۆتىڭ رەسەيلىك يسلام ماحاچەۆ (27-1) پەن ديۆيزيون چەمپيونى اۆستراليالىق دجەك دەللا ماددالەنا (18-2) اراسىنداعى تيتۋلدىق جەكپە-جەكتە قوسالقى بوكسشى رەتىندە قاتىسۋ مۇمكىندىگىنە دە توقتالدى.
– يسلام ماحاچەۆ پەن دجەك ماددالەنا اراسىنداعى تيتۋلدىق جەكپە-جەكتە قوسالقى بوكسشى بولۋىمىز ەكىتالاي. ءبىز, بالكىم, بۇل ۇسىنىسقا كەلىسپەيمىز. تاعى دا قايتالاپ ايتامىن, بارلىعىنا بەلگىلى بەلگىلى ءبىر ماسەلەلەر بار. قازىر سول كەزەڭنەن ءوتىپ جاتىرمىز, – دەپ اتاپ ءوتتى ول.
ەسكە سالا كەتەيىك, بيىلعى 27 شىلدەدە شاۆكات راحمونوۆتىڭ جۇبايى مەن ۇلى الماتى – ەكاتەرينبۋرگ تاس جولىندا جول اپاتىنا ءتۇستى. Toyota Land Cruiser 200 جۇرگىزۋشىسى رولگە يە بولا الماي, كولىك اۋدارىلىپ كەتكەن. وقيعا سالدارىنان ەكى ايەل قازا تاپتى.
