فوتو: gov.kz
«جاڭارتۋ باعدارلاماسىنا سايكەس, 2029 جىلعا دەيىن بارلىعى 456 لوكوموتيۆ ساتىپ الۋ جوسپارلانىپ وتىر. لوكوموتيۆتەردى جەتكىزۋشىلەر – قازاقستاندىق «ەلەكتروۆوز قۇراستىرۋ زاۋىتى», «لوكوموتيۆ قۇراستىرۋ زاۋىتى» جانە قىتايدىڭ CRRC كومپانياسى», دەدى كولىك ءمينيسترى.
سونداي-اق مينيستر جۇك وپەراتورلارى 7 مىڭنان استام جاڭا ۆاگون ساتىپ الۋدى جوسپارلاپ وتىرعانىن جەتكىزدى.
قازاقستاندا 300-دەن استام تەمىرجول وپەراتورى جۇمىس ىستەيدى. ولاردىڭ قول استىندا 142 مىڭ جۇك ۆاگونى بار. بۇل قازىرگى جۇك تاسىمالىنىڭ قاجەتتىلىگىن تولىق قامتيدى.
ونىڭ ىشىندەگى «قازاقستان تەمىر جولى» ۇلتتىق كومپانياسىنىڭ ۇلەسى – 41%. نۇرلان ساۋرانباەۆ ۆاگوندار الەۋمەتتىك ماڭىزى بار باعىتتاردا دا بەلسەندى قولدانىلاتىنىن اتاپ ءوتتى.
«2029 جىلعا دەيىن جۇك وپەراتورلارى تاراپىنان 7 مىڭنان استام جاڭا ۆاگوندار ساتىپ الىنادى. بۇل جۇك تاسىمالىنىڭ ءوسىپ كەلە جاتقان الەۋەتىن ساقتاپ, دامىتۋعا مۇمكىندىك بەرەدى», دەدى ول.
