سۋرەت: sxodim.com
ترەندتەگى ەلدەردىڭ قاتارىنا ەلىمىزبەن بىرگە ازەربايجان, گرۋزيا, وزبەكستان, قىرعىزستان, ارمەنيا كىرگەن. بۇل مەملەكەتتەر ۆيزالىق رەجىمنىڭ قولايلىعىمەن ەرەكشەلەنەدى. «Gulf times» باسىلىمى وسىنداي, قىسقا قاشىقتىققا ساياحاتتاۋدىڭ تانىمالدىلىعى ارتا تۇسكەنىن جازادى. ونىڭ ىشىندە ەكسپاتريانتتار اراسىندا ۆيزالىق جەڭىلدىكتەر ۇسىناتىن ەلدەرگە بارۋعا سۇرانىس كوبەيگەن. سول تۇرعىدا, ءبىزدىڭ ەلدەن بولەك, گرۋزيا, ازەربايجان, مىسىر, يوردانياعا ساپار تۋريستەرگە تانىمال بولا تۇسكەن.
جاقىندا جازعى ماۋسىمدا بارۋعا بولاتىن 15 ترەندتىك باعىت جاريا ەتىلدى. ەلىمىزدىڭ ءباا تۋريستەرى اراسىندا تانىمال بولۋىنا مادەني مۇرا مەن تابيعي لاندشافتتاردىڭ الۋان تۇرلىلىگى, ەڭ باستىسى, قولجەتىمدىلىگى اسەر ەتكەن. «Middle East Economic» باسىلىمىندا ەلىمىز ورتالىق ازياداعى ەڭ ءىرى زاماناۋي قالالار مەن بىرەگەي تابيعي لاندشافتاردىڭ, باي مادەني مۇرانىڭ ورتالىعى رەتىندە سيپاتتالعان. ەلوردامەن قاتار الماتىداعى «مەدەۋ» مۇز ايدىنى, «شىمبۇلاق» تاۋ كۋرورتى, «شارىن» شاتقالى, «كولساي» كولىنىڭ تارتىمدىلىعى تۋرالى جازىلعان. وسىعان قوسا «التىن-ەمەل» ۇلتتىق پاركى, تۇركىستانداعى قوجا احمەت ياساۋي كەسەنەسى جازعى ماۋسىمدا ساياحاتتاۋعا قولايلى باعىتتاردىڭ قاتارىنا ەنگەن.
