فوتو: ءىىم
قىلمىسپەن كۇرەس بارىسىندا ەسىرتكى جاسىرۋشىلاردان باستاپ ەسىرتكى بيزنەسىن ۇيىمداستىرۋشىلارعا دەيىنگى سحەمالار اشىلعان. ۇيىمداسقان قىلمىستىق توپتاردى قۇرۋ جانە باسقارۋ فاكتىلەرى بويىنشا 24 قىلمىستىق ءىس قوزعالىپ, ونىڭ ىشىندە ءۇش ترانسۇلتتىق قىلمىستىق توپ جويىلعان. 12 باسشى مەن 48 بەلسەندى قاتىسۋشى قولعا تۇسكەن.
«حالىقارالىق سەرىكتەستىك اياسىندا رەسەي فەدەراتسياسىمەن بىرلەسىپ, وتكەن جىلدان بەرى ىزدەۋدە جۇرگەن كۇدىكتى ۇستالدى. ول ەل اۋماعىندا سينتەتيكالىق ەسىرتكى ءوندىرۋ بويىنشا بىرنەشە ەسىرتكى زەرتحاناسىنىڭ جۇمىسىن ۇيىمداستىرعان. جاڭا تسيفرلىق شەشىمدەردىڭ ارقاسىندا جاستار اراسىندا تانىمال ەسىرتكى سايتتارىنىڭ بۇعاتتالۋى ءۇش ەسەگە ارتتى. ولاردىڭ سانى 20 مىڭ. شوتتارىندا 2,5 ميلليارد تەڭگە جيناقتالعان كۇدىكتى وپەراتسيالارمەن بايلانىستى 38 مىڭ بانك كارتاسى بۇعاتتالدى», دەدى ىىم ەسىرتكى قىلمىسى قارسى ءىس-قيمىل كوميتەتى توراعاسىنىڭ مىندەتىن اتقارۋشى دانيار مەيىرحان.
بيىل ماماندار 11 توننادان استام ەسىرتكىنىڭ اينالىمعا تۇسۋىنە جول بەرىلمەگەن. سونىمەن بىرگە سينتەتيكالىق ەسىرتكىنىڭ تاركىلەنگەن كولەمى ءۇش ەسەگە ارتىپ, ءبىر توننادان اسقان. ەسىرتكى ءوسىرۋدىڭ 322 فاكتىسى جانە 76 كونتراباندا دەرەگى انىقتالعان.
سونداي-اق 102 ەسىرتكى زەرتحاناسى, ولاردىڭ 11 سينتەتيكا ءوندىرۋ بويىنشا, 91 فيتوزەرتحانا جويىلعان.
