سۋرەت: baq.kz
دەپۋتات ە.بولگەرت سەناتتىڭ زاڭ شىعارۋ قىزمەتى تۋرالى كەڭىنەن ايتىپ, ادۆوكاتۋرا مەن قۇقىقتىق كومەك كورسەتۋ جۇيەسىن دامىتۋ ماسەلەلەرى پروفيلدىك كوميتەت جۇمىسىنىڭ باسىم باعىتىنىڭ ءبىرى ەكەنىن اتاپ ءوتتى. ول كاسىبي قاۋىمداستىقپەن ءوزارا ءىس-قيمىل ءتيىمدى زاڭنامالىق باستامالاردى ازىرلەۋگە, تاجىريبەلى زاڭگەرلەر مەن ازاماتتاردىڭ ناقتى قاجەتتىلىكتەرىن ەسكەرۋگە مۇمكىندىك بەرەتىنىن جەتكىزدى.
«ادۆوكاتۋرا – قۇقىقتىق مەملەكەتتىڭ ماڭىزدى ەلەمەنتى. ونىڭ تاۋەلسىزدىگى مەن كاسىبيلىگى ازاماتتاردىڭ قۇقىقتارى مەن بوستاندىقتارىن قورعاۋ دەڭگەيىنە تىكەلەي اسەر ەتەدى. ءبىز ادۆوكاتتار ءوز ميسسياسىن ءتيىمدى اتقارا الاتىن, ال ازاماتتار دەر كەزىندە جانە بىلىكتى كومەك الاتىن جاعداي جاساۋىمىز كەرەك. ول ءۇشىن زاڭ شىعارۋشىلار مەن كاسىبي قاۋىمداستىق اراسىندا تۇراقتى ديالوگ قاجەت, سوندا ءار شەشىم قوعامنىڭ ءىس جۇزىندەگى قاجەتتىلىكتەرىنەن تۋىندايدى», دەدى ە.بولگەرت.
سونىمەن قاتار دەپۋتات استانا قالاسىنداعى مەدياتسيا جانە تاتۋلاستىرۋ ورتالىعىنا بارىپ, ورتالىق ۇجىمى, كاسىبي مەدياتورلار جانە سۋديالار كورپۋسىمەن كەزدەستى. باسقوسۋ بارىسىندا مەدياتسيا جۇيەسىن ينستيتۋتسيونالدى تۇرعىدان نىعايتۋ, ونى سوتقا دەيىنگى داۋلاردى شەشۋدە كەڭىنەن قولدانۋ, سونداي-اق مەدياتورلار مەن سوتتار اراسىنداعى ءوزارا ءىس-قيمىل تەتىكتەرى تالقىلاندى. ەرەكشە نازار مەدياتسيانى سوت تاجىريبەسىندە كەڭەيتۋ جانە نورماتيۆتىك-قۇقىقتىق بازانى جەتىلدىرۋ ماسەلەلەرىنە اۋدارىلدى.
سەناتور ەلىمىزدە مەدياتيۆتىك كەلىسىمدەر سانىنىڭ وڭ ديناميكاسىن اتاپ ءوتىپ, مەدياتسيا ينستيتۋتىن بارلىق وڭىردە ودان ءارى دامىتۋ, مەدياتورلاردىڭ بىلىكتىلىگىن ارتتىرۋ جانە مەدياتسيا ورتالىقتارىنىڭ ماتەريالدىق-تەحنيكالىق بازاسىن نىعايتۋ قاجەتتىگىن ەرەكشە اتاپ ءوتتى.
