ءىس-شارا قوناقتارىنىڭ اراسىندا – الىپ قۋىرشاق تازابەك تە بار. ول قالا تۇرعىندارىن تازالىقتى ساقتاۋعا شاقىرىپ, ەكولوگيالىق اكتسيانى ناسيحاتتاپ ءجۇر.
«تازا قازاقستان» اكتسياسىنىڭ سيمۆولىنا اينالعان تازابەك سپورتتىق دودادا ناعىز جۇلدىز بولدى – استانالىقتار ونى قۇشاقتاپ, سۋرەتكە ءتۇسىپ, باستامانى ەرەكشە ىقىلاسپەن قولدادى.
پاكىستان, بىرىككەن اراب امىرلىكتەرى, تۋنيس, رەسەي, يتاليا, تۇركيا, ماروككو, مولدوۆا, ءۇندىستان, قىرعىزستان, موڭعوليا, قىتاي, برازيليا, تايلاند, وزبەكستان, تاجىكستان, كامەرۋن, گانا, ەفيوپيا, ۆەنەسۋەلا جانە يران ەلدەرىنەن كەلگەن قوناقتار دا تازابەكتى ىستىق ىقىلاسپەن قارسى الدى.
ەكولوگيالىق كەيىپكەر بۇعان دەيىن دە استانادا وتكەن ءىرى جيىندارعا بەلسەنە قاتىسقان. تازابەكتىڭ باستى ماقساتى – قوعامدىق ورىنداردا تازالىقتى ساقتاۋ جانە ەكواكتسيانى كەڭىنەن ناسيحاتتاۋ.
