اتىراۋدىڭ ماحامبەت اۋدانىندا 12 م ۇلىك زاڭداستىرىلدى

اتىراۋ. 5 تامىز. اتىراۋ وبلىسىنىڭ ماحامبەت اۋدانىندا 75 243,0 مىڭ تەڭگەگە باعالانعان 12 م ۇلىك جاريا ەتىلدى. بۇل تۋرالى egemen.kz ءتىلشىسى حابارلادى. م ۇلىكتى جاريا ەتۋگە بايلانىستى شارا بارىسىندا اۋدان ورتالىعىندا جانە ءبىر اۋىلدىق وكرۋگتە ارنايى باننەرلەر ورناتىلىپتى. اۋداندا جانە اۋىلدىق وكرۋگتەردە سەمينار, دوڭگەلەك ۇستەلدەر وتكىزىلىپ, بۋكلەت, كىتاپشالار دايىندالىپ, ۇيلەستىرىلىپ تاراتىلعان. وسىنداي ءتۇسىندىرۋ جۇمىستارىنا قاراماستان, ءالى دە تۇرعىندار تاراپىنان م ۇلىكتى جاريا ەتۋگە تالپىنىس باياۋ بولىپ وتىر. وعان وتكەن جىلدىڭ قىركۇيەگىنەن بەرى ارنايى كوميسسياعا 50 ادامنىڭ حابارلاسقانى دالەل بولا الادى. ولارعا اۋدان اكىمىنىڭ ورىنباسارى ماردان سەيىتقاليەۆ توراعالىق ەتەتىن كوميسسيا مۇشەلەرى زاڭعا سايكەس تۇسىنىك بەرىپتى. «قازىرگە دەيىن كوميسسيا قاراۋىنا تۇسكەن 15 ءوتىنىشتىڭ 12-ءسى قاناعاتتاندىرىلىپ, 75 243,0 مىڭ تەڭگەنىڭ مۇلكى زاڭداستىرىلدى. ۇسىنىلاتىن وتىنىشتەردىڭ كوپشىلىگى تۇرعىن ءۇيىنىڭ قوسىمشا قۇرىلىسىن, دۇكەندى جاريا ەتۋگە بايلانىستى بولىپ وتىر», – دەپ ءمالىم ەتتى اۋدان اكىمىنىڭ ورىنباسارى ماردان سەيىتقاليەۆ. جولداسبەك شوپەعۇل. دەرەك: egemen.kz. سۋرەت: astana.gov.kz.