فوتو: ۇكىمەت
جوبا قازاقستان رەسپۋبليكاسى ۇكىمەتى مەن قاراعاندى وبلىسى اكىمدىگىنىڭ قولداۋىمەن ونەركاسىپتىك ىنتىماقتاستىقتى دامىتۋ اياسىندا جۇزەگە اسىرىلدى. جاڭا زاۋىت ەلىمىزدەگى كوممەرتسيالىق تەحنيكا ءوندىرىسىن دامىتۋدىڭ ماڭىزدى ورتالىعى بولادى.
بىرلەسكەن كاسىپورىن ساران قالاسىنداعى «Saran Machinery» جشس بازاسىندا ورنالاسقان. ءوندىرىستىڭ جىلدىق قۋاتى 10 000 دانا تەحنيكانى, ونىڭ ىشىندە HOWO ماركالى جۇك كولىكتەرىن شىعارۋدى قامتيدى.
جاڭا زاۋىت زاماناۋي تەحنولوگيالىق كەشەنمەن جابدىقتالادى, ونىڭ ىشىندە قازاقستانداعى مەتاللدى كاتافورەزدىك وڭدەۋدىڭ العاشقى جەلىسى بار. بۇل قوندىرعى كۋزوۆتاردى كورروزيادان جوعارى دەڭگەيدە قورعايدى جانە تەحنيكانىڭ پايدالانۋ مەرزىمىن ەداۋىر ۇزارتادى.
«لوكاليزاتسيانى دامىتۋعا باسا نازار اۋدارىلۋدا. كاسىپورىن Qarmet مەتاللۋرگيالىق زاۋىتىندا وندىرىلگەن مىرىشتالعان بولاتتان جاسالعان كۋزوۆ بولشەكتەرىن پايدالانۋدى جوسپارلاپ وتىر. بۇل قازاقستاندىق شيكىزاتتى تولىقتاي پايدالانۋعا جانە ءوندىرىس تسيكلىن ەل ىشىندە ۇيىمداستىرۋعا مۇمكىندىك بەرەدى», دەدى رومان سكليار.
Sinotruk بۇعان دەيىن قازاقستانداعى جەرگىلىكتى سەرىكتەستەرمەن بىرگە بىرلەسكەن ءوندىرىس جۇرگىزىپ, ىنتىماقتاستىقتىڭ نەگىزىن قالاعان بولاتىن.
جاڭا كاسىپورىن ءوندىرىس قۋاتىن ارتتىرىپ, جۇمىس ورىندارىن كوبەيتىپ, لوكاليزاتسيانى جوعارىلاتۋدى كوزدەيدى. جوبا تولىق قۋاتقا شىققان سوڭ 1 000 ادامعا دەيىن جۇمىس ورنىن قۇرۋى جوسپارلانعان.
2025–2026 جىلدارى قازاقستان رەسپۋبليكاسى ونەركاسىپتى دامىتۋ قورىنىڭ قولداۋىمەن تەحنولوگيالىق جابدىقتار كەزەڭ-كەزەڭىمەن جەتكىزىلەدى. 2025 جىلعى قازاندا شاسسي مەن كابينالاردى جيناۋعا ارنالعان جابدىقتار, ال 2026 جىلدىڭ ەكىنشى توقسانىندا بوياۋ جانە دانەكەرلەۋ جابدىقتارى كەلەدى.
