فوتو: gov.kz
ءىرى قارا مال سانى 8,8 ميلليونعا جەتكەن (+8,3%), ونىڭ ىشىندە سيىر - 4,5 ملن (+16,3%), بۇزاۋ - 2,7 ملن. بۇل وتكەن جىلمەن سالىستىرعاندا 17,5%-عا كوپ. ۇساق مال 0,8%-عا ءوسىپ, 21,5 ميلليوندى قۇراعان. 7,6 ملن قوزى الىنعان (+4,8%). جىلقى سانى 4,7%-عا ارتىپ, 4,7 ميلليونعا, ق ۇلىن باسى 1 ميلليونعا جەتكەن (+8,1%).
قاڭتار–ماۋسىم ايلارىندا 529,9 مىڭ توننا ەت وندىرىلگەن (+1,5%), ونىڭ ىشىندە: سيىر ەتى — 182,3 مىڭ توننا, قوي ەتى — 56,4 مىڭ توننا, جىلقى ەتى — 69,3 مىڭ توننا.
ال مينيسترلىك ەت باعاسىنىڭ وسۋىنە كوممۋنالدىق قىزمەتتەر, ەنەرگيا رەسۋرستارى, جەم-ءشوپ پەن جانار-جاعارمايدىڭ قىمباتتاۋى, سونداي-اق جوعارى ەكسپورتتىق سۇرانىس اسەر ەتكەنىن مالىمدەپ وتىر.
ىشكى نارىقتى قورعاۋ ماقساتىندا ءتىرى مالدى اكەتۋگە ۋاقىتشا شەكتەۋلەر ەنگىزىلىپ, ەت ونىمدەرىن ەكسپورتتاۋعا باقىلاۋ شارالارى كۇشەيتىلگەن.
10 قازانعا دەيىن ىقم مەن ۇم انالىق مالىن سىرتقا اكەتۋگە تىيىم سالۋ شاراسى ءالى دە كۇشىندە. سونداي-اق, 2025 جىلدىڭ 15 مامىرىنان 15 تامىزعا دەيىن ىقم بۇقالارىن اكەتۋگە تىيىم ەنگىزىلگەن بولاتىن. بۇل شارا 16 تامىزدان 30 قازانعا دەيىن ۇزارتىلعان.
سونىمەن قاتار, قاڭتار–مامىر ارالىعىندا ەت ەكسپورتى ارتقان. وسى كەزەڭدە سيىر ەتى ەكسپورتى 12,3 مىڭ توننانى قۇراپ, وتكەن جىلدىڭ سايكەس كەزەڭىمەن سالىستىرعاندا 2,4 ەسە وسكەن. قوي ەتى ەكسپورتى — 9,2 مىڭ توننا, ءوسىم 2,6 ەسەگە جەتكەن.
