قازاقستاننىڭ باتىسىندا, سولتۇستىك-باتىسىندا جانە سولتۇستىگىندە اتموسفەرالىق فرونتتاردىڭ وتۋىمەن قىسقا مەرزىمدى جاڭبىر جاۋىپ, نايزاعاي وينايدى. كەي جەرلەردە بۇرشاق جاۋى جانە ەكپىندى جەل سوعۋى مۇمكىن. جەل رەسپۋبليكا وڭىرلەرىنىڭ باسقا بولىكتەرىندە دە كۇشەيەدى. ەلدىڭ سولتۇستىگى مەن ورتالىعىندا تۇندە جانە تاڭەرتەڭ تۇمان كۇتىلەدى, ال وڭتۇستىگىندە – شاڭدى داۋىل بولادى.
+41°س-قا دەيىن ىستىق كەلەسى وڭىرلەردە بولادى:
-
تۇركىستان, جامبىل, قىزىلوردا وبلىستارىندا +40 °C-قا دەيىن.
-
الماتى وبلىسى مەن جەتىسۋ وبلىسىندا +35…+37 °C.
-
ۇلىتاۋ وبلىسىندا +35…+36 °C.
-
الماتى وبلىسىنىڭ جەكەلەگەن اۋداندارىندا كۇندىز +41 °C-قا دەيىن جەتەدى.
باتىس قازاقستان وبلىسىندا, اتىراۋ وبلىسىنىڭ سولتۇستىگىندە, وڭتۇستىگىندە, باتىسىندا, اقتوبە وبلىسىنىڭ باتىسى مەن شىعىسىندا, قىزىلوردا وبلىسىنىڭ سولتۇستىك جارتىسىندا, جامبىل وبلىسىنىڭ وڭتۇستىگى مەن ورتالىعىندا, ۇلىتاۋ وبلىسىنىڭ ورتالىعىندا, جەتىسۋ وبلىسىنىڭ باتىسى, سولتۇستىگى مەن ورتالىعىندا, الماتى وبلىسىنىڭ وڭتۇستىگىندە جوعارى ءورت قاۋپى كۇتىلەدى.
تۇركىستان, ماڭعىستاۋ, الماتى وبلىسىنىڭ باتىسى, سولتۇستىگى مەن شىعىسى, قىزىلوردا وبلىسىنىڭ وڭتۇستىك جارتىسى, جامبىل وبلىسىنىڭ سولتۇستىگى, باتىسى مەن شىعىسى, اتىراۋ وبلىسىنىڭ شىعىسى, اقتوبە وبلىسىنىڭ وڭتۇستىگى, قوستاناي, قاراعاندى وبلىستارى مەن ۇلىتاۋ وبلىسىندا, سونداي-اق اباي وبلىسىنىڭ وڭتۇستىگىندە اسا جوعارى ءورت قاۋپى كۇتىلەدى.
