مەرەكەلىك جيىن بيكەن ريموۆا اتىنداعى دراما تەاترى الدىنداعى الاڭدا ءوتىپ, وعان وبلىس باسشىلىعى, زيالى قاۋىم وكىلدەرى, ارداگەرلەر, جاستار جانە قالا تۇرعىندارى قاتىستى.
شارا تەاترلاندىرىلعان كورىنىستەن باستالدى. وندا بالا ابايدىڭ دانا ابايعا اينالۋ كەزەڭدەرى كورىنىس تاپتى. جينالعاندار اقىن ەسكەرتكىشىنە گۇل شوقتارىن قويىپ, رۋحىنا تاعزىم ەتتى.
مەرەكەلىك باعدارلاما بارىسىندا «ولەڭ – ءسوزدىڭ پاتشاسى» اتتى وبلىستىق ءمۇشايرادا جۇلدەگەر اتانعان اقىندار قايرات بەستىباەۆ, جومارت يگىمان, سانجار سۇلتانعازى ءوز ارناۋلارىن وقىدى. سونداي-اق «ميزام» ادەبيەت مەكتەبىنىڭ شاكىرتتەرى اباي ولەڭدەرىن مانەرلەپ جەتكىزدى. جەرگىلىكتى ونەرپازدار ۇلى اقىننىڭ اندەرىنەن كونتسەرتتىك نومىرلەر ۇسىندى.
مەملەكەت جانە قوعام قايراتكەرى جومارتقالي جەكسەنبينوۆ ابايدىڭ بىرلىك پەن ەڭبەككە ۇندەگەن مۇراسىنىڭ ماڭگىلىك ماڭىزىن اتاپ ءوتتى. ال اقىن قايرات بەستىباەۆ اباي شىعارمالارىن تەرەڭ ءتۇسىنىپ وقۋدىڭ قاجەتتىگىن ايتتى.
ايتا كەتەيىك, اقىننىڭ مەرەيتويىنا ارنالعان ونكۇندىك اياسىندا بۇعان دەيىن اقىندار ءمۇشايراسى, كاراوكە كەشى جانە ۇلتتىق سپورت جارىستارى سەكىلدى ءتۇرلى مادەني جانە سپورتتىق ءىس-شارالار وتكەن.
