ءىس-شارا قر مادەنيەت جانە اقپارات مينيسترلىگى ارحيۆ, قۇجاتتاما جانە كىتاپ ءىسى كوميتەتىنىڭ قولداۋىمەن ۇيىمداستىرىلدى.
شارانىڭ ماقساتى – ابايدىڭ 180 جىلدىعىنا وراي جارىق كورگەن ەڭبەكتەردى كەڭىنەن ناسيحاتتاۋ.
تۇساۋكەسەرگە «ابايتانۋدىڭ كەيبىر ماسەلەلەرى» كىتابىنىڭ اۆتورى, اكادەميك, پروفەسسور, قازاقستاننىڭ ەڭبەك سىڭىرگەن قايراتكەرى زارقىن سىزدىق ۇلى تايشىباي, قر مادەنيەت جانە اقپارات مينيسترلىگى ارحيۆ, قۇجاتتاما جانە كىتاپ ءىسى كوميتەتىنىڭ توراعاسى رۋستام الي, قازاقستان جازۋشىلار وداعىنىڭ باسقارما توراعاسى مەرەكە قۇلكەنوۆ, قر مەملەكەتتىك سىيلىعىنىڭ يەگەرى, اقىن اقۇشتاپ باقتىگەرەەۆا, فيلولوگيا عىلىمىنىڭ دوكتورى, پروفەسسور قانسەيىت ابدەز ۇلى, ادەبيەتتانۋشى-عالىم قوراباي سەرىكقازى سىبانباي ۇلى, پروفەسسور رۋدا زايكەنقىزى زايكەنوۆا قاتىستى.
