پلەنارلىق وتىرىستا ءسوز سويلەگەن رومان سكليار ۇكىمەتارالىق كوميسسيا قازاقستان مەن تاجىكستاننىڭ ءوزارا ءىس-قيمىلىنىڭ ماڭىزدى قۇرالىنا اينالعانىن, ونىڭ كۇن تارتىبىندە ەكىجاقتى قاتىناستاردى ودان ءارى تەرەڭدەتۋدىڭ, جوعارى دەڭگەيدە قول جەتكىزىلگەن ۋاعدالاستىقتاردى جۇزەگە اسىرۋدىڭ, سونداي-اق ينۆەستيتسيالىق الەۋەت پەن وڭىرارالىق بايلانىستاردى كەڭەيتۋدىڭ ماڭىزدى ماسەلەلەرى بار ەكەنىنە توقتالدى.
ءوز كەزەگىندە حوكيم حوليكزودا بۇنداي ماڭىزدى جيىن ساۋدا-ەكونوميكالىق, مادەني-گۋمانيتارلىق سالالاردا قارقىندى دامىپ كەلە جاتقان, ەكىجاقتى قاتىناستاردىڭ دامۋىنا جاڭا سەرپىن بەرەتىنىن ايتتى. سونىمەن قاتار وتىرىستا ساۋدا, ونەركاسىپتىك كووپەراتسيا, اۋىل شارۋاشىلىعى, سونداي-اق كولىك پەن لوگيستيكا سالاسىنداعى ءوزارا ءىس-قيمىلدى دامىتۋ پەرسپەكتيۆالارىنا ەرەكشە نازار اۋدارىلدى.
رومان سكليار كوميسسيانىڭ جۇمىسى, ەڭ الدىمەن, الداعى جوعارى دەڭگەيدە وتەتىن كەزدەسۋلەردى مۇقيات دايىنداۋعا باعىتتالۋعا ءتيىس ەكەنىنە ايرىقشا كوڭىل ءبولدى. تاراپتار قابىلدانعان شەشىمدەر ءوزارا ءىس-قيمىلدىڭ بارلىق باعىتتارى بويىنشا ەكىجاقتى قاتىناستاردى ودان ءارى نىعايتۋعا جانە تەرەڭدەتۋگە ىقپال ەتەتىنىنە سەنىم ءبىلدىردى. وتىرىستىڭ قورىتىندىسى بويىنشا ءتيىستى حاتتاماعا قول قويىلدى.
ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ كەزەكتى 20-وتىرىسى كەلەر جىلى تاجىكستاندا وتەدى.
