بۇل – مەملەكەتتىك باسقارۋدا تسيفرلىق تەحنولوگيالار ادىستەرىن بىرىكتىرگەن باكالاۆريات باعدارلاماسى. باعدارلاما – ەلەكتروندىق قىزمەتتەردى جوبالاي الاتىن, اكىمشىلىك پروتسەستەردى اۆتوماتتاندىرۋعا اتسالىساتىن, مەملەكەتتىك سەكتوردا ۇلكەن دەرەكتەرمەن جۇمىس ىستەي الاتىن مامانداردىڭ جاڭا بۋىنىن دايارلاۋعا باعىتتالعان.
قازىرگى كەزدە ونلاين-قىزمەتتەر ۇلەسىنىڭ ارتۋى, تسيفرلىق پلاتفورمالار مەن «mobile first» باعىتىندا اۋديتوريانىڭ قارقىندى ءوسۋى ەلەكتروندىق ۇكىمەتتى وتانداستارىمىزدىڭ كۇندەلىكتى ءومىرىنىڭ اجىراماس بولىگىنە اينالدىردى.
ايتالىق, 2025 جىلدىڭ العاشقى جارتىجىلدىعىندا مەملەكەتتىك قىزمەت الۋعا جۇگىنگەن ازاماتتاردىڭ شامامەن 45%-ى سمارتفوندار ارقىلى ءوتىنىش بەرگەن. بۇل –ازاماتتار مەن بيزنەسكە ىڭعايلى ءارى قاۋىپسىز قىزمەتتەردى جوبالاي الاتىن ماماندارعا نارىقتا سۇرانىس جوعارى ەكەنىن كورسەتىپ وتىر.
ءبىلىم بەرۋ سالاسىنىڭ نارىق سۇرانىسىنا ۇسىنىسى
AITU ءدال وسى قاجەتتىلىكتى ەسكەرە وتىرىپ, «Digital Public Administration» باعدارلاماسىن ىسكە قوستى. بۇل – B044 «مەنەدجمەنت جانە باسقارۋ» ءبىلىم بەرۋ باعىتى بويىنشا ءۇش جىلدىق باكالاۆريات باعدارلاماسى. وقۋعا قابىلداناتىن بالل شەگى – 60 بالل, بەيىندىك پاندەر – ماتەماتيكا مەن گەوگرافيا.
ستۋدەنتتەر اتالعان باعدارلاما اياسىندا ەلەكتروندىق قىزمەتتەردى جوبالاۋ, اكىمشىلىك ۇدەرىستەردى اۆتوماتتاندىرۋ, دەرەكتەرمەن جۇمىس ىستەۋ, تسيفرلىق ترانسفورماتسيانى باسقارۋ, سونداي-اق مەملەكەتتىك سەكتورداعى كيبەرقاۋىپسىزدىك نەگىزدەرىن مەڭگەرەدى.
GOLD مەكتەبى: تسيفرلىق كوشباسشىلار ورتالىعى
باعدارلاما GOLD تسيفرلىق مەملەكەتتىك باسقارۋ مەكتەبىنىڭ (Governance, Open Leadership & Digitalization) اياسىندا جۇزەگە اسادى.
اتالعان باعدارلامانى تامامداعان تۇلەكتەر كەلەسى ماماندىق يەسى رەتىندە نارىققا ءوز قىزمەتىن ۇسىنا الادى:
- تسيفرلىق ترانسفورماتسيا مامانى;
- مەملەكەتتىك اقپاراتتىق جۇيەلەر اناليتيگى;
- ەلەكتروندىق ۇكىمەت جوبالارىنىڭ مەنەدجەرى;
- مەملەكەتتىك باسقارۋ سالاسىنداعى كيبەرقاۋىپسىزدىك ساراپشىسى;
- مەملەكەتتىك پلاتفورمالاردىڭ اكىمشىسى;
- مەملەكەتتىك سەكتور دەرەكتەرىمەن جۇمىس جونىندەگى مەنەدجەر.
ايتا كەتەلىك, AITU تۇلەكتەرىنىڭ 95%-ى ديپلوم العان العاشقى ايلاردا جۇمىسقا ورنالاسىپ نە بولماسا ماگيستراتۋرادا وقۋىن جالعاستىرىپ جاتىر. بۇل ۋنيۆەرسيتەت دايىندايتىن ماماندارعا نارىقتا سۇرانىستىڭ جوعارى ەكەنىن ايعاقتايتىن كورسەتكىش.
AITU-دە ءبىلىم الۋدىڭ ارتىقشىلىعى
ۋنيۆەرسيتەت زاماناۋي تسيفرلىق ينفراقۇرىلىممەن تولىق جابدىقتالعان. اتاپ ايتساق, ۇلكەن دەرەكتەر زەرتحانالارى, كيبەرقاۋىپسىزدىك ورتالىقتارى, جوبالىق ينكۋباتورلار جۇمىس ىستەيدى. ءبىلىم ورداسىندا وقۋ ۋاقىتىنىڭ 70%-دان استامى پراكتيكالىق جۇمىستارعا باعىتتالعان. ستۋدەنتتەر حاكاتوندارعا قاتىسىپ, قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, جەرگىلىكتى اتقارۋشى ورگاندارىمەن بىرلەسىپ ىسكە اسىرىلاتىن پيلوتتىق جوبالاردى جۇزەگە اسىرۋعا اتسالىسادى. ستۋدەنتتەردىڭ مۇنداي پيلوتتىق جوبالارعا قاتىسۋى وقۋ بارىسىندا ناقتى تاجىريبە جيناۋعا جاسالعان تاپتىرماس مۇمكىندىك.
GOLD تسيفرلىق مەملەكەتتىك باسقارۋ مەكتەبىنىڭ اياسىندا ىسكە قوسىلعان باعدارلاما تسيفرلىق كوشباسشىلاردىڭ جاڭا بۋىنىن دايارلاۋ باعىتىنداعى AITU-ءدىڭ يگى باستاماسى. اتالعان مەكتەپ زاماناۋي تەحنولوگيالاردى ءتيىمدى قولدانا وتىرىپ, حالىقتىڭ ءال-اۋقاتىن ارتتىرا الاتىن مەملەكەتتىك باسقارۋداعى تسيفرلىق ترانسفورماتسيا كوشباسشىلارىن دايارلاۋدى, سونىمەن قاتار, «GOLD» مەكتەبىن ەلەكتروندىق ۇكىمەت سالاسىنداعى حالىقارالىق حاب رەتىندە تانىتۋدى ماقسات تۇتىپ وتىر.
ەسكە سالايىق, «تسيفرلىق مەملەكەتتىك باسقارۋ» باعدارلاماسى مەكتەپ پەن كوللەدج تۇلەكتەرىنە ارنالعان. تالاپكەردى وقۋعا قابىلداۋ بالل شەگى – 60 بالل, بەيىندىك پاندەر – ماتەماتيكا مەن گەوگرافيا.
