الماتى. 5 تامىز. الماتىلىقتار داڭقتى اسكەري ۇشقىش, كەڭەس وداعىنىڭ ەكى مارتە باتىرى, اۆياتسيا گەنەرال-مايورى تالعات بيگەلدينوۆتى تۋعان كۇنىنە وراي ەسكە الدى. بۇل تۋرالى egemen.kz حابارلادى.
ۇلى وتان سوعىسىنىڭ ارداگەرلەرى اراسىنان باتىردىڭ زامانداسى-سىرلاسى بولعان مايدانگەر سەيتقاسىم بورانقۇلوۆ, رەسپۋبليكالىق گەنەرالدار كەڭەسى توراعاسىنىڭ ورىنباسارى ماحمۇت تەلەعۇسوۆ اسكەري ۇشقىشتىڭ وتكەن ومىرىنەن سىر شەرتىپ, باتىردى ەسكە الۋ جيىنىنا ءار بەردى.
«كەزىندەتالعات بيگەلدينوۆ بۇكىل كەڭەس وداعىنىڭ ماقتانىشى, ابىرويلى دا داڭقتى ازاماتى سانالدى. ودان سوڭ, ءتىپتى, تمد مەملەكەتتەرىنىڭ بارلىعى دا بىردەي وعان ەرەكشە قۇرمەت كورسەتتى. وسىنىڭ ءوزى ءبىزدىڭ جىگەرىمىزدى جانيتىن, سەزىمىمىزگە سەرپىن بەرەتىن. تالعات بيگەلدينوۆ – ءبىزدىڭ ۇرپاق ءۇشىن ەرلىكتىڭ سيمۆولى. ءبىزدىڭ ۇرانىمىز! ءبىزدىڭ – التىن قىرانىمىز!», – دەدى ەسكە الۋ ميتينگىسىندە ءسوز العان ازامات – الماتى قالالىق ىشكى ساياسات باسقارماسىنىڭ جەتەكشىسى سانجار بوقاەۆ.
باتىردىڭ قىزى رايحان تالعاتقىزى: «مەن تاياۋدا عانا اكەم تۋرالى كىتاپ جازىپ ءبىتىردىم. قازاق حالقى سۇيىكتى پەرزەنتى, جاۋجۇرەك اسكەري ۇشقىش تالعات بيگەلدينوۆتىڭ مايدانداعى ەرلىگى مەن بەيبىت ومىردەگى قاجىرلى ەڭبەگى تۋرالى كوپ بىلەدى, ءتىپتى, اڭىز ەتىپ ايتىپ تا جۇرەدى. ال مەن بۇل شىعارمامدا اياۋلى اكەمنىڭ جەكە تۇلعا رەتىندە, ازامات رەتىندە ءوزىم بايقاعان بولمىسىن, ءوزىم كۋا بولعان قاسيەتتەرىن اينا-قاتەسىز تىزبەكتەپ بەردىم. ونىڭ ەرلىگىن ءارى ەسىمىن قۇرمەتتەيتىن قاۋىمنىڭ جاۋىنگەرلەر جينالاتىن ساياباققا ارنايى كەلىپ, بىزبەن بىرگە باتىردى ەسكە العانىنا وراي بىلدىرەتىن العىسىمىز دا شەكسىز», – دەدى.
ەلىمىزدىڭ ءانۇرانى شىرقالىپ, قازاقستاندىق گەنەرالدار كەڭەسىنىڭ مۇشەلەرى مەن مايدان ارداگەرلەرى, تالعات بيگەلدينوۆتىڭ جاقىندارى مەن تۋىستارى ماڭگىلىك الاۋعا القىزىل گۇل شوقتارىن قويدى.
سالتاناتتىڭ سوڭىندا وفيتسەرلەر ۇيىندە گەنەرالدار كەڭەسىنىڭ دەمەۋشىلىگىمەن كينورەجيسسەر لاۆرەنتي سون تۇسىرگەن «كوككە كوتەرىلۋ» اتتى دەرەكتى فيلم كورسەتىلدى.
تالعات ءسۇيىنباي.
دەرەك, سۋرەت: egemen.kz.
