جوعارى دەڭگەيدەگى قامقورلىق
ماۋسىم ايىندا كومپانيا تەمىرتاۋ مەن جەزقازعان قالالارىندا زاماناۋي ۆاحتالىق قالاشىقتاردىڭ قۇرىلىسىن باستاپ كەتتى. بۇل كەشەندەردە دەمالىس بولمەلەرى بار جاتاقحانالار, دۋش كابينالارى, جاتتىعۋ زالى, كىر جۋاتىن ورىن, اسحانا, وقۋ سىنىبى بار كەڭسە عيماراتى, دارىگەرلىك پۋنكت, سەرۆەرلىك بولمە, كەشەنگە كىرىپ-شىعۋعا ارنالعان باقىلاۋ-وتكىزۋ پۋنكتى ورنالاسقان.
بۇل جاي عانا ستاندارت ەمەس – ۇيدەن الىس جۇمىس ىستەيتىندەرگە دەگەن جوعارى دەڭگەيدەگى قامقورلىق.
جاقسى ومىرگە ارنالعان 73 جوبا
2025 جىلعا ارنالعان IR-سكرينينگ پەن كۇردەلى سالىمدار جوسپارى اياسىندا كومپانيا 73 جوبانى جۇزەگە اسىرىپ كەلەدى.
«اقتاۋ» مگقب-دا وپورنىي, بەينەۋ جەلىلىك-وندىرىستىك باسقارمالارىنداعى ء(جوب) تۇرمىستىق ءۇي-جايلار جوندەلدى. «اقتوبە» مگقب-دا عيماراتتاردىڭ قاسبەتى, دۋش كابينالارى جاڭارتىلدى, تەرەزەلەر مەن شاتىر اۋىستىرىلدى, قىزمەتتىك پايدالانۋ بلوگى جوندەلدى. «قىزىلوردا» مگقب-دا اكىمشىلىك عيماراتتاردى جوندەۋ اياقتالدى. «الماتى» مگقب-دا قىزمەتتىك پايدالانۋ بلوگىنىڭ, قويما جانە سپورت زالىنىڭ كۇردەلى جوندەۋ جۇمىستارى اياقتالۋعا تاياۋ.
قازىرگى ۋاقىتتا «اقتاۋ» مگقب-دا جاتاقحانا جوندەلىپ, جاڭا قازاندىق ورناتىلىپ جاتىر. «اقتوبە» مگقب-دا جاڭا جارىقديودتى جارىقتاندىرۋ ورناتىلىپ, كليماتتىق جۇيەلەر جاڭارتىلۋدا. «تاراز», «قوستاناي», «اتىراۋ» مگقب-دا باقىلاۋ-وتكىزۋ پۋنكتتەرى, ەلەكتر كەپتىرگىشتەر مەن كەپتىرۋ كامەرالارى جانە تاعى باسقالارى قالپىنا كەلتىرىلىپ وتىر.
جايلىلىق ۇساق-تۇيەكتەن باستالادى
كومپانيا جۇمىسشىلاردى ورنالاستىرىپ, تۇرمىستىق ايماقتاردى جابدىقتاۋدىڭ جاڭا ستاندارتتارىن بەلسەندى تۇردە ەنگىزۋدە. ولار:
– جيھاز: كەرەۋەتتەر, ۇستەلدەر, شكافتار, كيىم ىلگىشتەر;
– تەحنيكا: كونديتسيونەرلەر, سۋ جىلىتقىشتار, كىر جۋعىش ماشينالار, مۇزداتقىشتار;
– جايلىلىق: جاليۋزدەر, اينا, قول كەپتىرگىشتەر, ميكروتولقىندى پەشتەر.
جايلى ورتانى قالىپتاستىرۋ – قىزمەتكەرلەردى ىنتالاندىرۋ مەن ونىمدىلىگىن ارتتىرۋعا سالىنعان ينۆەستيتسيا.
كاسىپكە دەگەن ماقتانىش – ينتەرگازدىقتار جۇرەگىندە
«ينتەرگاز ورتالىق ازيا» اق جۇمىسشى ماماندىقتارىنىڭ بەدەلىن ارتتىرۋ باعىتىندا بەلسەندى جۇمىس جۇرگىزىپ جاتىر. باستى باسىمدىق – اشىق قارىم-قاتىناس. بۇل – ەڭبەك ۇجىمدارىنىڭ باسشىلىق, ومبۋدسمەن, كاسىپوداقپەن تۇراقتى كەزدەسۋلەرى – اشىق ديالوگ پەن سەنىم كەڭىستىگى.
ايەلدەر باستاماسىنىڭ ورنى بولەك
گاز قۇبىرلارىنداعى ءوندىرىس نەگىزىنەن ەرلەرگە ارنالعانىمەن, يوا ۇجىمىنىڭ 11%-ىن ايەلدەر قۇرايدى. سوندىقتان كومپانيانىڭ بارلىق فيليالدارىندا ايەلدەر كلۋبتارى جۇمىس ىستەيدى. مۇندا كەزدەسۋلەر, ترەنينگتەر, كاسىبي دامۋ باعدارلامالارى وتەدى.
ايەلدەر مەن ەرلەر – فيليالدارداعى قىزمەتكەرلەر ءجوب اراسىندا تاعىلىمدامادان ءوتىپ, روتاتسياعا قاتىسادى, بۇل ءبىلىم الماسۋ مەن كوماندا قۇرامىن كۇشەيتۋ ءۇشىن قاجەت.
جۇزدەن – جۇيرىك, مىڭنان – تۇلپار
ۇجىم جۇمىسىنداعى موتيۆاتسيالىق ساتتەردىڭ ءبىرى – ءوز كاسىبىنىڭ ۇزدىكتەرى اراسىنداعى «ۇزدىك مامان» بايقاۋى. بۇگىندە كومپانيانىڭ جۇمىسشى ماماندىقتارمەن اينالىساتىن قىزمەتكەرلەرى بارلىق فيليالداردا ءوتىپ جاتقان ىرىكتەۋ تۋرلارى شەڭبەرىندە جىلدىڭ ۇزدىك كاسىبي مامانى اتاعى ءۇشىن سايىسقا تۇسۋدە. بايقاۋدىڭ قىركۇيەكتە وتەتىن فينالى جىلدىڭ باستى وقيعاسىنا اينالماق.
دەنساۋلىق – باستى نازاردا
كومپانيا ءۇشىن ءار قىزمەتكەردىڭ دەنساۋلىعى – تابىستى جۇمىستىڭ كەپىلى.
سول سەبەپتى الدىن الۋ جانە ەڭبەك ۇدەرىسىنىڭ توقتاپ قالۋىن بولدىرماۋ ءۇشىن كومپانيا اسمو اتتى ەلەكتروندى مەديتسينالىق تەكسەرىس جۇيەسىن ەنگىزدى, ول دەنساۋلىققا تونەتىن ىقتيمال قاۋىپتەر مەن كاسىپتىك اۋرۋلاردى الدىن الا انىقتاۋعا مۇمكىندىك بەرەدى.
ەندى بارلىق جۇمىس نىساندارىنداعى «دەنساۋلىق بۇرىشتارىندا» قىزمەتكەرلەرگە اۆتوماتتى تونومەترلەر, گليۋكومەترلەر, ءدارى قوبديشالارى مەن دەفيبريللياتورلار كومەگىمەن كۇندەلىكتى تەكسەرۋلەر جۇرگىزىلەدى. بۇل – شۇعىل جاعدايلاردا جەدەل جاردەم كەلگەنگە دەيىن ادام ءومىرىن ساقتاپ قالۋدىڭ جولى.
ماقساتىمىز ايقىن: ەڭبەككە قۇرمەت پەن مارتەبە
«ەڭبەك ادامى – نازاردان تىس قالماۋعا ءتيىس. ءبىز ءتاسىلىمىزدى وزگەرتۋدەمىز: تەك باقىلاپ قانا قويماي, قولداۋ كورسەتەمىز, تەك تالاپ ەتپەي, شابىتتاندىرامىز», – دەيدى كومپانيا وكىلدەرى.
«ينتەرگاز ورتالىق ازيا» اق – «جۇمىسشى ماماندىقتارىنىڭ جىلى» ناقتى ارەكەت پەن قۇرمەتتىڭ, ەل ەكونوميكاسىن ءوز قولدارىمەن كوتەرەتىن قاراپايىم ەڭبەك ادامدارىنا دەگەن العىستىڭ جارقىن ۇلگىسى.
«قىزمەتكەرلەرىمىزدىڭ جايلىلىعىنا, دەنساۋلىعىنا, ولاردى قولداپ, دامىتۋعا سالىنعان ينۆەستيتسيالار – بۇل شىعىن ەمەس, كومپانيا تۇراقتىلىعىنىڭ نەگىزى!» – ءدال وسى ۇستانىممەن «ينتەرگاز ورتالىق ازيا» اكتسيونەرلىك قوعامى العا نىق قادام باسىپ كەلەدى.
