فوتو: اشىق دەرەككوز
ونىڭ ايتۋىنشا, ونىڭ باستى سەبەبى ينفلياتسيانىڭ ۇدەي ءتۇسۋى جانە ەكونوميكانىڭ ناقتى مۇمكىندىكتەرىنەن وزىپ كەتكەن اقشا ماسساسىنىڭ ارتۋى.
«اقشا اينالىمدا كوبەيىپ بارادى, ال ىشكى ءوندىرىس سۇرانىستى قاناعاتتاندىرا الماي وتىر. سالدارىنان ينفلياتسيا ءوسىپ, شەتەلدەن كەلەتىن تاۋارلار باعاسى جاعىنان ءتيىمدى بولا باستايدى. حالىق يمپورتتى كوبىرەك تۇتىنادى, سايكەسىنشە ۆاليۋتاعا دەگەن سۇرانىس ارتادى. بىراق نارىقتا ۆاليۋتا جەتكىلىكسىز بولعاندىقتان, ونىڭ باعاسى وسە بەرەدى», دەپ جازدى چۋكين Facebook پاراقشاسىندا.
ساراپشى الداعى ۋاقىتتا تەڭگە باعامى بىرتىندەپ 540-560 دەڭگەيىندە تۇراقتاپ, 2026 جىلدىڭ سوڭىنا قاراي 600 تەڭگەگە دەيىن جەتۋى مۇمكىن دەپ وتىر.
«جازدا شارىقتاۋ شەگىنە جەتكەننەن كەيىن, ادەتتە تەڭگە قىس-كوكتەم ايلارىندا نىعايا تۇسەدى. بىراق باستىسى, ۇزاقمەرزىمدى ترەند. ول ۇلتتىق ۆاليۋتانىڭ ىشكى قۇنىمەن انىقتالادى. قازىر سول قۇن ءتۇسىپ كەلەدى. بيىلعى ينفلياتسيا شامامەن تاعى 11–12% بولادى. مەنىڭ باقىلاۋىمشا, ورتا ەسەپپەن ينفلياتسيا 10%-عا وسسە, تەڭگە 4%-عا السىرەيدى», دەيدى ەكونوميست.
