رەسەيدە ايەلى مەن بالالارىن ولتىرگەن كۇدىكتى ۇستالدى

استانا. 5 تامىز. رەسەيدىڭ تومەنگى نوۆگورود قالاسىندا التى بالاسى مەن ايەلىن ءولتىردى دەگەن كۇدىك تاڭىلعان تۇرعىنى ۇستالدى. ول قولعا تۇسەر كەزىندە بۇيرەگىنەن جاراقات الدى. بۇل تۋرالى ras.kz حابارلادى. قۇقىق قورعاۋ ورگاندارىنىڭ حابارلاۋىنشا, كۇدىكتى ۆلاديمير وبلىسىنىڭ كوۆروۆو قالاسىنداعى باقتىڭ ۇيشىگىندە تىعىلىپ جاتقان. الدىن الا مالىمەت بويىنشا, بۇل باسپانا ونىڭ ەنەسىنىكى بولعان. كۇدىكتىنى ۇستاۋ وپەراتسياسىنا ارناۋلى ءبولىم جاۋىنگەرلەرى قاتىستى. تاعى ءبىر مانبەندە, بەلوۆ ولاردىڭ بىرىنە پىشاق الىپ ۇمتىلعان. سول كەزدە سارباز ونىڭ شابۋىلىن قايتارۋ ءۇشىن وق اتقان. كۇدىكتى سوسىن اۋىر حالدە اۋرۋحاناعا جەتكىزىلدى. تەرگەۋ كوميتەتىنىڭ وكىلى ۆلاديمير ماركوۆ: «كۇدىكتىنىڭ تەرگەۋ كوميتەتى, ىشكى ىستەر مينيسترلىگى جانە فەدەرالدى قاۋىپسىزدىك قىزمەتى جاۋىنگەرلەرىنىڭ قاتىسۋىمەن جاسالعان وپەراتسيا بارىسىندا ۇستالدى», – دەدى. سونداي-اق, ول: «قازىرگى كەزدە ونىمەن تەرگەۋ امالدارى جاسالىپ جاتىر. قىلمىستىق ءىس جالعاسادى», – دەپ مالىمدەمە تاراتتى. كۇدىكتى ولەگ بەلوۆقا تومەنگى نوۆگورودتاعى پاتەرىندە 4 تامىز كۇنى ءوزىنىڭ التى بالاسى مەن ىشىندە بەس ايلىق بالاسى بار ەكىقابات ايەلىن ءولتىرىپ, ولاردى بولشەكتەپ تاستاعان, دەگەن ايىپ تاعىلماقشى. سول كۇنى گوروحوۆەتس قالاسىنداعى ءبىر ءۇيدىڭ ەسىگى الدىندا تاعى ءبىر ايەلدىڭ – بولجاممەن بەلوۆتىڭ اناسىنىڭ دا ءمايىتى تابىلعان. تالعات رايىمبەك. دەرەك, سۋرەت: ras.kz.