سۋرەت: ultnews.kz
ورال قالاسىنداعى №2 جىلۋ ماگيسترالىن رەكونسترۋكتسيالاۋ جوباسى شەڭبەرىندە جەو كوللەكتورىنان باستاپ «سيتي تسەنتر» ساۋدا ءۇيى ماڭايىنا دەيىن تومەنگە ءتۇسىرۋ بويىنشا قۇرىلىس-مونتاجداۋ جۇمىستارى 2024 جىلى باستالدى. جىلۋ ماگيسترالىنىڭ بۇل ۋچاسكەسى 1987 جىلى پايدالانۋعا بەرىلگەن. وسى كەزەڭدە كوتەرگىش تەمىربەتون كونسترۋكتسيالارى, بەكىتۋ ارماتۋراسى ءبىرشاما توزدى.
وبلىس اكىمدىگىنىڭ مالىمەتىنشە, اتالعان ۋچاسكەدە جاڭعىرتۋ جۇمىستارى 2025–2026 جىلدارى جىلىتۋ ماۋسىمى باستالعانعا دەيىن اياقتالادى. جوبانى جۇزەگە اسىرۋ جىلۋ جەلىلەرىنىڭ توزۋىن ازايتۋعا, ىستىق سۋ بەرۋدىڭ وتكىزۋ قابىلەتىن ارتتىرۋعا جانە پايدالانۋ شىعىندارىن ازايتۋعا مۇمكىندىك بەرەدى.
جالپى, ورال قالاسىنىڭ جىلۋ ماگيسترالدى جەلىلەرىنىڭ ۇزىندىعى – 249 شاقىرىم. نىسان وتكەن عاسىردىڭ 70-80 جىلدارى پايدالانۋعا بەرىلگەن. قازىرگى ۋاقىتتا توزۋ دەڭگەيى 50%-دى قۇرايدى. ينفراقۇرىلىمدى جاڭعىرتۋعا ەرەكشە كوڭىل بولىنۋدە. جوندەۋ جۇمىستارى جالعاسىپ جاتىر.
