وندا حالىقارالىق مۋزىكا فەستيۆالى ۇيىمداستىرىلسا, وسى جولى قىرعىزستاندا ءداستۇرلى مادەنيەت پەن مۋزىكاعا ارنالعان العاشقى «رۋح-ساناتى» دۇنيەجۇزىلىك فەستيۆال بايقاۋىندا ەل مەرەيى تاعى دا ۇستەم شىقتى.
ءداستۇرلى ونەر سالاسىنداعى ءىرى حالىقارالىق فەستيۆالعا 37 ەلدەن كەلگەن جۇزدەن استام ورىنداۋشى قاتىستى. قازىلار القاسىنىڭ قۇرامىندا ءتۇرلى ەلدەردەن كەلگەن تانىمال مۋزىكا زەرتتەۋشىلەرى, ەتنوگرافتار مەن ونەر شەبەرلەرى بولدى. ولار قاتىسۋشىلار ورىنداعان شىعارمالاردىڭ تۇپنۇسقاسى ساقتالۋىن, ءداستۇرلى مۋزىكالىق اسپاپتاردى مەڭگەرۋ دەڭگەيىن جانە ۇلتتىق مادەني داستۇرلەردىڭ ساقتالۋىن باعالادى.
قازاقستان اتىنان فەستيۆالعا ك.بايسەيىتوۆا اتىنداعى قازاق ۇلتتىق ونەر ۋنيۆەرسيتەتىنىڭ ستۋدەنتى سالتانات ەرسۇلتان قاتىستى. سالتانات ء«داستۇرلى ءان» باعىتى بويىنشا 3-كۋرستا وقيدى.
بايقاۋ بارىسىندا سالتانات اسان قايعىنىڭ تولعاۋىن, نارتايدىڭ تەرمەسىن جانە ەلمۇرا جاڭابەرگەننىڭ «ارالىم» اتتى شىعارماسىن ورىندادى. ونەرپاز قىلقوبىزدا جىر-تەرمە ورىنداپ, قازىلار القاسىن ءتانتى ەتتى. وسىلايشا, ول جەكە ورىنداۋشىلار اراسىندا ءبىرىنشى ورىندى يەلەندى.
ءداستۇرلى مادەنيەت پەن مۋزىكانى ساقتاۋ جانە دامىتۋ – ۇلتتىق مۇرانى كەلەر ۇرپاققا ناسيحاتتاۋدىڭ بىرەگەي جولى. مۇنداي جاس دارىنداردىڭ جەتىستىگى جاڭا بۋىنعا شابىت سىيلاپ, حالىقارالىق مادەني بايلانىستاردى نىعايتا تۇسەرى ءسوزسىز.
