1 ماۋسىم-31 قازان ارالىعىندا وتەتىن «قاراسورا – 2025» ءىس-شاراسىنىڭ باستى ماقساتى – ەسىرتكىگە بايلانىستى قۇقىقبۇزۋشىلىقتاردىڭ الدىن الىپ, قۇرامىندا ەسىرتكى بار وسىمدىكتەردى ءوسىرۋ جانە دايىنداۋ فاكتىلەرىنىڭ جولىن كەسۋ.
ءىس-شارا باستالعالى قىزىلوردا وبلىسى كولەمىندە بارلىعى 70 ەسىرتكى قۇقىقبۇزۋشىلىعى انىقتالسا, ونىڭ ىشىندە 41 دەرەگى ەسىرتكى وسىرۋگە قاتىستى بولىپ وتىر. سونداي-اق, ونى وتكىزۋ, اسا ءىرى مولشەردە ساقتاۋ جانە ەسىرتكىگە بايلانىستى قىلمىستىق تەرىس قىلىقتار دا تىركەلگەن.
زاڭسىز اينالىمنان 898 كگ 684 گر ەسىرتكى زاتى الىنىپ وتىر, ونىڭ 5 كەلىدەن استامى «ماريحۋانا» بولسا, 8 كگ 794 گر كوكنار وسىمدىگى, 2 كيلودان استام سينتەتيكالىق ەسىرتكى دە تاركىلەنگەن.
ەسىرتكى وسىرۋمەن اينالىسقان 32 ادام قۇرىقتالىپ, ونىڭ 13-ى قاماققا الىندى.
