فوتو: ۇكىمەت, تەلەگرام
حالىقارالىق دەڭگەيدە انا مەن نارەستە ءولىم-ءجىتىمى كورسەتكىشتەرىن تالداپ, وڭدەۋدى بۇۇ جۇيەسىندەگى دۇنيەجۇزىلىك دەنساۋلىق ساقتاۋ ۇيىمى (ددسۇ), يۋنيسەف, جاھاندىق دامۋ بانكى جانە باسقا دا سەرىكتەس ۇيىمداردىڭ وكىلدەرى كىرەتىن ۆەدومستۆوارالىق توپتار جۇزەگە اسىراتىنىن اتاپ وتكەن باۋىرجان ءجۇسىپوۆتىڭ ايتۋىنشا سوڭعى اناليز كورسەتكەندەي, قازاقستان انا مەن بالا ءولىم-ءجىتىمى بويىنشا ايتارلىقتاي جەتىستىكتەرگە قول جەتكىزگەن.
«انا ءولىم-ءجىتىمى 2000 جىلى 100 مىڭ بوسانۋىنا 58 جاعدايدان, 2023 جىلى 9,6-عا دەيىن تومەندەپ, بۇل 83,5%-عا قىسقاردى. الەمدەگى بارلىق ەل اراسىندا انا ءولىم-ءجىتىمىنىڭ تومەندەۋ قارقىنى بويىنشا قازاقستان 4-ورىندا تۇر. نارەستەلەر ءولىم-ءجىتىمى 2000 جىلى مىڭ ءتىرى تۋعان نارەستەگە شاققاندا – 36 جاعداي 2023 جىلى – 7,8 جاعدايعا دەيىن تومەندەدى», دەدى ب.ءجۇسىپوۆ.
