بۇل تۋرالى ەلوردالىق پوليتسيا دەپارتامەنتى مالىمدەدى.
الەۋمەتتىك جەلىدە تاراعان ۆيدەودا ءتارتىپ ساقشىلارى ءبىر ايەلدى كونتسەرت ءوتىپ جاتقان اۋماقتان كوتەرىپ الىپ كەتىپ بارا جاتقانى كورىنەدى. كەيىنىرەك جەلىدە بۇل ايەل پاۆلودار وبلىستىق پوليتسيا دەپارتامەنتى باستىعىنىڭ ورىنباسارىنىڭ جارى ەكەنى تۋرالى اقپارات تارادى.
استانا قالالىق پد بۇل جايتقا قاتىستى رەسمي تۇسىنىكتەمە بەردى.
- "استانا ارەنادا” وتكەن كونتسەرت بارىسىندا قوعامدىق ءتارتىپتى بۇزعان ايەلگە قاتىستى وقيعا تىركەلدى. قاقتىعىستىڭ ۋشىعۋىنا جول بەرمەۋ ماقساتىندا پوليتسيا قىزمەتكەرلەرى ونى ءىس-شارا اۋماعىنان الىپ شىقتى. تەكسەرۋ ناتيجەسىندە قىلمىستىق ءىس قوزعالدى, — دەلىنگەن حابارلامادا.
ۆەدومستۆو وكىلدەرىنىڭ ايتۋىنشا, اتالعان ازاماتشا ىشكى ىستەر ورگانى قىزمەتكەرىنىڭ جۇبايى بولعانىمەن, بۇل ونىڭ ارەكەتىنە قۇقىقتىق باعا بەرۋگە ەش اسەر ەتپەيدى.
- كەرىسىنشە, مۇنداي جاعدايدا قوعام الدىنداعى جەكە جاۋاپكەرشىلىك كۇشەيە تۇسەدى. زاڭ الدىندا بارشا ازامات تەڭ, قۇقىق قورعاۋ ورگاندارى قىزمەتكەرىنىڭ وتباسىنا جاتاتىنى قانداي دا ءبىر ارتىقشىلىق بەرمەيدى, — دەپ اتاپ ءوتتى.
