الماتى قالاسى پولليتسيا دەپارتامەنتىنىڭ مالىمەتىنشە, «باعاناشىلداعى» بالالار ۇيىنەن كەتىپ قالعان 14 جانە 16 جاستاعى تاربيەلەنۋشىلەردى كريمينالدىق پوليتسيا قىزمەتكەرلەرى تاپقان.
— جەدەل-ىزدەستىرۋ شارالارى بارىسىندا قىزدار الماتى وبلىسى اۋماعىندا انىقتالدى. قازىرگى ۋاقىتتا ەكەۋى دە جاعدايدىڭ بارلىق ءمان-جايىن انىقتاۋ ءۇشىن بوستاندىق اۋداندىق پوليتسيا باسقارماسىنا جەتكىزىلدى. كامەلەتكە تولماعانداردىڭ قاۋىپسىزدىگىن قامتاماسىز ەتۋ — پوليتسيا جۇمىسىنىڭ باستى باعىتتارىنىڭ ءبىرى بولىپ قالا بەرەدى, — دەپ حابارلادى دەپارتامەنتتەن.
