فوتو: api.action-media.ru
قاتىسۋشىلاردى ىرىكتەۋ بەس كەزەڭنەن: تەستىلەۋ, وقىتۋ, تاعىلىمداما, قورىتىندى باعالاۋ جانە سۇحباتتان تۇرادى. بىلتىر 2,5 مىڭنان استام ۇمىتكەردىڭ اراسىنان كاسىبي دايارلىق كۋرسىنا 433 كانديدات ىرىكتەلىپ الىنعان.
جوبا حالىقارالىق وزىق تاجىريبەگە نەگىزدەلگەن. ماسەلەن كوپتەگەن ەلدەردە مەكتەپ ديرەكتورلارىن تاعايىنداماس بۇرىن ولاردى ارنايى دايارلاۋ مىندەتتى تالاپ سانالادى. قاتىسۋشىلار وقۋدان ءوتىپ, ۇزدىك ءبىلىم بەرۋ ۇيىمدارىندا تاعىلىمدامادان وتەدى جانە تالىمگەرلىك قولداۋمەن قامتىلادى.
بۇگىنگى تاڭدا رەسپۋبليكالىق كادرلىق رەزەرۆكە 583 پەداگوگ ەنگىزىلىپ, ولاردىڭ 397-ءسى كونكۋرستان تىس نەگىزدە باسشىلىق قىزمەتكە تاعايىندالعان. تەك 2024 جىلدىڭ وزىندە 36 رەزەرۆ مۇشەسى جاڭا ۇلگىدەگى «كەلەشەك مەكتەپتەرى» جوباسى اياسىندا سالىنعان مەكتەپتەردىڭ ديرەكتورى بولعان.
