پوليتسيا دەپارتامەنتىنىڭ مالىمەتىنشە, ءبىرىنشى وقيعا تاڭەرتەڭ كامزين كوشەسىندە تىركەلگەن. Chevrolet Cobalt كولىگىن باسقارعان ەر ادامدا:
- قوزعالىس كوورديناتسياسى بۇزىلعان,
- رەاكتسياسى باياۋ,
- مىنەز-قۇلقى – اگرەسسيۆتى جانە تۇسىنىكسىز بولعان.
جۇرگىزۋشى مەديتسينالىق مەكەمەگە جەتكىزىلىپ, ەسىرتكى قولدانعانى انىقتالدى.
كەشكە قاراي نۇرسۇلتان نازارباەۆ داڭعىلىندا Lada Granta اۆتوكولىگىن جۇرگىزىپ كەلە جاتقان ەكىنشى ادام ۇستالدى. ونىڭ دا كولىك جۇرگىزۋ مانەرى پوليتسياعا كۇدىك تۋدىرىپ, ساراپتاما ناتيجەسى ناركوتيكالىق زات قولدانعانىن راستادى.
ەكى جۇرگىزۋشى دە اكىمشىلىك جاۋاپكەرشىلىككە تارتىلىپ, كولىكتەرى ارنايى ايىپتۇراعىنا قويىلدى. ماتەريالدار سوتقا جىبەرىلگەن.
پاۆلودار وبلىستىق پوليتسيا دەپارتامەنتى مالىمەتىنشە, 2025 جىلدىڭ باسىنان بەرى وڭىردە 873 ادام ماس كۇيىندە كولىك جۇرگىزگەنى ءۇشىن جاۋاپقا تارتىلعان, ونىڭ ىشىندە 370-ءى پاۆلودار قالاسىندا تىركەلگەن.
«پاۆلودار پوليتسياسى ازاماتتاردى جول قوزعالىسىنا جاۋاپكەرشىلىكپەن قاراۋعا شاقىرادى. مۇنداي قۇقىقبۇزۋشىلىقتار – بارلىق قاتىسۋشىلار ءۇشىن ۇلكەن قاۋىپ», – دەلىنگەن دەپارتامەنت حابارلاماسىندا.
